Batxeba

Batxeba
	Instancia de personaxe humano bíblico
	Parte de דוד ובת שבע
Obra
	Presente na obra 2 Sm; I Reis; I Crônicas (pt)
Biografía
	Lugar de nacemento Giloh (en)
	Data de nacemento 1009 a. C.
	Data de falecemento 937 a. C.
	Grupo étnico israelitas
	Sexo muller
	Linguas faladas hebreo bíblico
	Relixión javismo (pt)
Actividade
	Ocupación raíña consorte
	Cargo ocupado raíña nai
	Lugar de traballo Palestina
Familia
	Pai Eliam (en)
	Cónxuxe Urias (pt) ; David
	Fillo/a Salomón; Natã (pt) ; Sobab (en)
Fontes e ligazóns
	Descrito pola fonte Dicionario Enciclopédico Brockhaus e Efron Q24364754 ; Metropolitan Museum of Art Tagging Vocabulary ; A Cyclopaedia of Female Biography Bathsheba, or Bathchuah (en) ; Pequeno Dicionario Enciclopédico de Brockhaus e Efron Q24801994 ; Enciclopedia Bíblica de Archimandrita Nicéforo Q25293000 ; Enciclopedia Xudía de Brockhaus e Efron Q24935257 ; The New Student's Reference Work The New Student's Reference Work/Bathsheba (en) ;
	Wikidata G:Commons C:Commons

Batxeba, ou Betsabé, foi a esposa de Urías e do rei David e a nai do rei Salomón consonte o Segundo Libro de Samuel. Por ela o rei David cometeu un dos seus máis graves pecados, ao provocar a morte de Urías.

Relato

O rei David un serán viu dende a azotea do seu pazo unha belida muller purificándose das súas regras. Prendido da súa beleza mandou preguntar quen era e dixéronlle que era Batxeba, filla de Alián e esposa de Urías o hitita. David deitouse con ela e preñouna. En sabendo disto, David mandou chamar a Urías, que estaba na guerra, e pediulle que volvese á casa xunta da súa esposa. Pero Urías ficou a durmir á porta do pazo pois considerou indigno deitarse coa súa muller mentres os seus compañeiros na fronte acampaban ao sereno.

Finalmente David ordenou ao xefe do exército Xoab que colocase a Urías na batalla nunha posición exposta e que se retirase deixándoo só. Así foi e Urías morreu. David tomou como esposa a Batxeba, que deu a luz un fillo.

Deus daquela enviou o seu profeta Natán, que lle contou a David a historia do home rico e do home pobre e como o primeiro a quen todo lle sobraba ripoulle ao pobre a súa única ovelliña que era para el como unha filla. David, cheo de indignación, dixo que o rico era reo de morte e que tiña que pagar catro veces o valor da ovelliña. Natán retrucou:

Ti es ese home. E isto di o Señor, Deus de Israel: Eu unxinte por rei de Israel e ceibeite das mans de Xaúl. Entregueiche a casa do teu señor e puxen as súas mulleres nos teus brazos. Fíxente dono de Israel e de Xudá e, por se fose pouco, deiche aínda outras cousas. ¿Por que, logo, desprezas a palabra do Señor facendo o que el reproba? Mataches coa espada a Urías, o hitita, para casares coa súa muller.

David confesou o seu crime e Natán anuncioulle que Deus perdoaría a súa vida, mais non a do seu fillo. David consolou a Batxeba, que empreñou de novo e deu a luz a Salomón, o máis sabio dos monarcas.