Batalla de Bicoca

	Localización Bicocca (en)
	País Ducado de Milán
	45°31′05″N 9°12′36″L / 45.518, 9.21

Batalla de Bicoca
	Guerra Italiana de 1521 - 1526
	Instancia de batalla
Datas e cronoloxía
	Data 27 de abril de 1522 (Gregoriano)
Implicados
	Participantes Ducado de Milán; República de Venecia; Estados Pontificios; Reino de Francia; Empire of Charles V (en) ; Mercenários suíços (pt)
Localización
	Localización Bicocca (en)
	País Ducado de Milán
	45°31′05″N 9°12′36″L / 45.518, 9.21
Fontes e ligazóns
	Descrito pola fonte Dicionario Enciclopédico Brockhaus e Efron Q24347432 ; Enciclopedia militar Sytin Q25371390 ;
	Wikidata C:Commons

A batalla de Bicoca foi unha batalla acontecida preto da localidade de Bicoca, ás portas de Milán, no norte de Italia, o 27 de abril de 1522. Este combate enfrontou os exércitos de Carlos V cos de Francisco I de Francia, e saldouse coa vitoria do primeiro.

Preludio

Nas súas aspiracións por recuperar Milán, o rei Francisco I de Francia tivo que enfrontarse a Carlos V pois este tamén tiña pretensións sobre o Milanesado.

Desenvolvemento

O exército do emperador Carlos V comandado por Fernando de Avalos, fixérase forte preto de Bicoca, onde se atrincheiraron e se fortificaron. O exército francés, comandado por Odet de Lautrec como maior mandatario, formado tamén por un continxente suízo, chegaron ó lugar e intentaron acabar co exército do emperador.

Os embates francosuízos foron repelidos polos arcabuceiros imperiais, que facilmente abrían fogo sobre os seus inimigos causando multitude de baixas. As baixas, non menores a tres mil homes, obrigaron ó exército Francés a retirarse a Lombardía.

Trala batalla

A guerra non acabou con esta batalla, pois tres anos despois os franceses volverían á emprender unha nova campaña de moi maiores proporcións, novamente frustrada por Carlos V na batalla de Pavia.

A palabra bicoca chegou ata hoxe e significa "cousa sinxela ou barata" debido á facilidade coa que os exércitos imperiais venceron ós franceses.