Bandeira de Fiji

Bandeira de Fiji
Características
Uso	...
Proporción	1:2
Adopción	10 de outubro de 1970
Cores	Azul     Branco      Vermello     Turquesa

A bandeira de Fiji foi adoptada o 10 de outubro de 1970. É un pano de cor azul celeste no que figura a Union Jack, que é a bandeira do Reino Unido, no cantón e, na súa parte esquerda o escudo propiamente dito do país (sen as figuras dos soportes, o burelete, a cimeira, nin o lema nacional). O escudo é practicamente idéntico ao que se usou durante o domino colonial británico. A bandeira de Fiji está inspirada no Pavillón Azul que é unha bandeira de cor azul escura que incorpora a bandeira británica no seu cuadrante superior dereito e que usan como emblema numerosas institucións gobernamentais británicas, colonias e nalgúns casos, como Australia e Nova Zelandia, mantívose como bandeira nacional de antigas colonias hoxe independentes.

O escudo e a bandeira de Fiji non se alteraron cando o país se converteu en república en 1987. A bandeira colonial era moi semellante á actual pero, seguindo o esquema do Pavillón Azul, de cor azul escura. Actualmente^[cando?] esta bandeira é a bandeira do goberno de Fiji e úsana algunhas institucións e departamentos de carácter gobernamental.

Outras bandeiras

• 
  Bandeira da Mariña mercante.
• 
  Bandeira gobernamental.
• 
  Bandeira naval.
• 
  Bandeira da Aviación Civil.

Bandeiras históricas

• 
  Bandeira das Tribos Unidas de Fiji (1865 – 1867)
• 
  Bandeira das Tribos Unidas de Fiji (1867 - 1869)
• 
  Bandeira do Reino de Lau (1869 – 1871)
• 
  Bandeira Persoal do Rei de Lau (1869 -1871)
• 
  Bandeira do Reino Unido de Fiji (1871 – 1874)

Véxase tamén

Ligazóns externas

• Fiji en Flags of the World (en inglés)