Balanza (constelación)

Códigos e identificadores
Freebase
Freebase	/m/04h36

Balanza
	Instancia de constelación; constelación zodiacal
	Epónimo beam balance (en)
	Parte de hemisferio sur celeste
Características físicas
Superficie	538 °²
Freebase
Códigos e identificadores
Freebase
Freebase	/m/04h36
Fontes e ligazóns
	Descrito pola fonte Pequeno dicionario enciclopédico de Brockhaus e Efron ; Tema: Q20819875 ; Star Lore of All Ages (en) ; Tema: Libra, the Scales (en) ; Encyclopædia Britannica ; Tema: 1911 Encyclopædia Britannica/Libra (en) ; Paulys Realenzyklopädie der klassischen Altertumswissenschaft ; Tema: Libra 3 (Pauly-Wissowa); Libra (en) ; Enciclopedia de Otto ; Tema: Váhy (souhvězdí), Libra (souhvězdí); Grande Enciclopedia Soviética (1926 - 1947) ; Tema: Q43441830 ; Dicionario Enciclopédico Brockhaus e Efron ; Tema: Q20819879 ; Meyers Konversations-Lexikon, 4ª edición (1885–1890) ; Tema: Q130738692
	Wikidata G:Commons C:Commons

Libra ou Balanza^[1] (símbolo , Unicode ♎), é a sétima constelación do zodíaco no firmamento. Bastante discreta, non ten estrelas de primeira magnitude, estando situada entre Virgo ó oeste e Scorpius ó leste, notablemente máis rechamantes. Coma se evidencia polos nomes da súas estrelas máis brillantes, foi nalgún momento parte das pinzas do escorpión: así, Zubenelgenubi (α Librae) significa "pinza do sur" e Zubeneschamali (β Librae) "pinza do norte". Visualmente α e β son as travesas de equilibrio da balanza, mentres que γ e σ son os pratos.

Estrelas principais

α Librae (Zubenelgenubi), estrela binaria cunhas compoñentes que se atopan separadas algo menos de 4 minutos de arco.
β Librae (Zubeneschamali), a máis brillante da constelación con magnitude 2,61 ha sido descrita frecuentemente como unha estrela verde. De tipo espectral B8V é unha estrela 130 veces máis luminosa co Sol.
γ Librae (Zubenelakrab), xigante amarela de magnitude 3,91.
ι Librae, denominación que engloba a dúas estrelas distintas: ι¹ Librae, estrela múltiple de magnitude 4,54 a 376 anos luz, e ι² Librae, estrela branca a 219 anos luz.
σ Librae (Brachium ou Zubenhakrabi), xigante vermella e variable semirregular, cun brillo que varía entre magnitude 3,2 e 3,46 nun período de 20 días.
υ Librae, xigante laranxa de magnitude 3,58.
23 Librae, anana amarela cun planeta extrasolar.
Gliese 570 (HR 5568), sistema estelar triplo ó que acompaña unha distante anana marrón.
Gliese 581 (HO Librae), anana vermella ó seu redor descubríronse tres planetas extrasolares.

Obxectos Notables do espazo profundo

NGC 5897, cúmulo globular de magnitude 8,6 fácil de observar, con algo máis de 7 minutos de arco de diámetro. Atópase facilmente a pouco máis dun grao e medio ó sueste de ι Librae.
NGC 5898 e NGC 5903, dúas galaxias elípticas de magnitudes 11,4 e 11,2; localízanse ó leste de Brachium (σ Librae).
NGC 5728 galaxia espiral de magnitude 11,4 situada ó suroeste de Zubenelgenubi (α Librae).
NGC 5885, tamén unha galaxia espiral, de magnitude 11,8 e situada a 50 minutos de arco ó suroeste de Zubeneschamali (β Librae).

Mitoloxía

A constelación, que orixinalmente formaba parte das pinzas de Escorpio, é a máis nova do zodíaco e a única que non representa un ser vivo. Na mitoloxía grega, esta constelación figura coma a balanza sostida por Hera, deusa do matrimonio.

Notas

↑ Cambados Márquez, Xoaquín Evaristo. "Algunhas notas referentes ó nome galego estándar das constelacións" (PDF). Arquivado dende o orixinal (PDF) o 13 de outubro de 2016. Consultado o 12 de outubro de 2016.

Véxase tamén

Ligazóns externas

The Deep Photographic Guide to the Constellations: Libra (en inglés)
Libra constellation Arquivado 26 de xaneiro de 2009 en Wayback Machine. (en inglés)
Star Tales – Libra (en inglés)

[1] Cambados Márquez, Xoaquín Evaristo. "Algunhas notas referentes ó nome galego estándar das constelacións" (PDF). Arquivado dende o orixinal (PDF) o 13 de outubro de 2016. Consultado o 12 de outubro de 2016.

[1]