Baixo Vinalopó

Na Galipedia, a Wikipedia en galego.
Baixo Vinalopó
Río Vinalopó
Río Vinalopó ao seu paso por Elx
Localización
Mapa do Baix Vinalopó Localización do Baix Vinalopó respecto ao País Valenciano
Provincia Alacant
Datos
Capital Elx
Cidade máis poboada Elx
Poboación 287.761 hab.(2008)
Superficie 488,90 km²
Densidade 572,3 hab./km²
Nº de concellos 3
Lingua propia Valenciano
Baix Vinalopó

O Baixo Vinalopó (Baix Vinalopó en valenciano, Bajo Vinalopó en castelán) é unha comarca da Comunidade Valenciana, situada na costa sur da provincia de Alacant. A súa capital tradicional e a súa localidade máis importante é a cidade de Elx.

Xeografía[editar | editar a fonte]

O Baix Vinalopó comprende as terras, como o seu nome indica, do curso baixo do río Vinalopó. A maior parte da comarca está formada por unha gran chaira, que só se ve accidentada pola Sierra de Crevillent e polo Cabo de Santa Pola. A pesar de ser unha ampla comarca, o seu territorio está só dividido en tres concellos:

Municipio Poboación Extensión Densidade
Crevillent 28.432 103,30 275,24
Elx 228.348 327,07 700,30
Santa Pola 30.981 58,60 528,69
Totais: 287.761 488,90 588,59

O interior está formado por unha gran chaira formada polo val do Vinalopó, que está rodeada polas serras ao norte e noroeste. Ao leste, a liña de costa é baixa e arenosa, con praias de areas finas, e formacións de dunas. Hai excepcións, como é o caso do Cabo de Santa Pola, onde hai un abrupto promontorio onde se sitúa un faro. A franxa costeira ten uns 30 km de lonxitude, comprendidos entre Aigua Amarga e a desembocadura do Segura. Nesta comarca tamén se atopan unhas marismas, declaradas Parques Naturais, como as Salines de Santa Pola, ou El Hondo de Elx - Crevillent, así coma o Clot de Galvany.

A temperatura media anual é 17 °C e a precipitación media anual é 330 mm.

Historia[editar | editar a fonte]

A comarca do Baix Vinalopó é creación moderna, no ano 1989, e antes formaba parte da histórica Horta d'Alacant, xunto con Guardamar del Segura (Baix Segura). Esta comarca antiga aparece no mapa de comarcas de Emili Beüt i Belenguer: Comarques naturals del Regne de València, publicado no ano 1934.

O Baix Vinalopó é unha comarca dinámica, a cal se dedica a diferentes ámbitos económicos. No sector primario, a agricultura sempre tivo unha grande importancia, xa que o campo de Elx - Crevillent foi amplamente traballado en hortas e cultivos. Polo seu lado, Santa Pola segue sendo a día de hoxe un dos máis importantes portos peninsulares. A industria é tamén moi importante, en Crevillent desenvolveuse moito a industria da alfombra, chegando a outorgárselle unha denominación de orixe. Elx pola súa banda, comparte con outras cidades do Vinalopó importantes industrias do calzado.

O turismo vén ocupando un amplo sector económico desde hai décadas. O desenvolvemento desta actividade principalmente a Santa Pola foi atraendo numerosos visitantes e residentes á zona. Así como foron experimentando crecemento os núcleos costeiros ilicitanos de Arenals del Sol e La Marina. Elx como tal, debido ao seu carácter comercial e cultural (Dama de Elx, Palmeiral, Misterio etc.) converteuse tamén nun crecente destino turístico á parte da costa.

O aeroporto de l'Altet, no termo municipal de Elx, atópase ademais nesta comarca, sendo o quinto aeroporto español en volume de pasaxeiros por ano.

Lingua[editar | editar a fonte]

A comarca atópase dentro da zona de predominio lingüístico oficial valenciano. Aínda que por mor da inmigración e da presión dos medios de comunicación tamén se fala castelán.

Véxase tamén[editar | editar a fonte]

Ligazóns externas[editar | editar a fonte]