Bóla de fogo

Na Galipedia, a Wikipedia en galego.
Saltar ata a navegación Saltar á procura

Bóla de fogo
Ficha técnica
Título orixinalBall of Fire
DirectorHoward Hawks
ProdutorSamuel Goldwyn
Guión
Baseado enFrom A to Z de Thomas Monroe e Billy Wilder
Intérpretes
MúsicaAlfred Newman
FotografíaGregg Toland
MontaxeDaniel Mandell
EstudioSamuel Goldwyn Productions
DistribuidoraRKO Radio Pictures
EstreaFlag of the United States.svg 2 de decembro de 1941
Galicia 8 de decembro de 2001 (TVG)
Duración111 minutos
OrixeEstados Unidos de América Estados Unidos
XéneroComedia
Recadación$2 200 000 (USA)[1]

Bóla de fogo (en inglés: Ball of Fire) é un filme estadounidense de 1941 dirixido por Howard Hawks e protagonizado por Gary Cooper e Barbara Stanwyck. Este filme de Samuel Goldwyn Productions (orixinalmente distribuído por RKO) conta a historia dun grupo de profesores que están a traballar nunha enciclopedia e a súa experiencia cunha artista dun club nocturno que lles proporciona o seu coñecemento único.

O resto do elenco inclúe a Oskar Homolka, S. Z. Sakall, Henry Travers, Richard Haydn, Dana Andrews e Dan Duryea. En 1948, o argumento foi recuperado para un filme musical, A Song Is Born, desta volta protagonizado por Danny Kaye e Virginia Mayo. O filme tamén é coñecido como The Professor and the Burlesque Queen. En 2016, o filme foi escollido para a súa preservación no National Film Registry da Biblioteca do Congreso dos Estados Unidos por ser "cultural, histórico ou esteticamente significativo".[2]

Estreouse en galego o 8 de decembro de 2001 a través da TVG.[3]

Argumento[editar | editar a fonte]

Grazas á doazón dun cuarto de millón de dólares, un grupo de profesores estrafalarios, todos solteiros agás un que é viúvo, traballan na elaboración dunha enciclopedia do saber humano. Cando o traballo se atopa nunha fase bastante avanzada, reciben a visita sorpresa da bailarina de cabaré "Sugarpuss" O'Shea (Barbara Stanwyck), requirida polo profesor Bertram Potts (Gary Cooper), que está a facer un estudo da xerga da rúa. Ela acepta formar parte do estudo mais en realidade está a esconderse da policía, que a busca para testificar en contra do seu futuro marido: o mafioso Joe Lilac (Dana Andrews). Todo iso failes reformularse o seu traballo ao darse de conta de que viven de costas ao mundo real.

Personaxes[editar | editar a fonte]

Notas[editar | editar a fonte]

  1. "101 Pix Gross in Millions." Variety, 6 de xaneiro de 1943. p. 58.
  2. Price, Gary. "Library of Congress Adds 25 Films to National Film Registry Including Thelma & Louise, The Princess Bride, and The Breakfast Club". LJ INFOdocket. Consultado o 24 de febreiro de 2017. 
  3. "Programación da TVG". ABC. 7 de decembro de 2001. Consultado o 23 de outubro de 2018. 

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]