B&b, de boca en boca

Na Galipedia, a Wikipedia en galego.

B&b, de boca en boca
FormatoComedia
Dirixido porDaniel Écija
IntérpretesBelén Rueda
Dani Rovira
Gonzalo de Castro
Macarena García
Cristina Alarcón
Alejandro Arroyo
Cristina Brondo
Fran Perea
Adolfo Fernández
Neus Sanz
Carlos Iglesias
Puchi Lagarde
Luisa Martín
César Mateo
Emilio Palacios
Paula Prendes
Alejandro Rodríguez
Sara Sálamo
Jorge Usón
Cristóbal Suárez
Marta Larralde
País de orixeEspaña España
Episodios29
Produción
Duración70 min
Emisión orixinal
Canle de orixeTelecinco Telecinco
Primeira emisión17 de febreiro de 2014
Derradeira emisión30 de decembro de 2015
Na rede
http://www.telecinco.es/byb/
IMDB: tt3214648 Filmaffinity: 214157
Facebook: bybserie Twitter: bybserie Editar o valor em Wikidata
editar datos en Wikidata ]

B&b, de boca en boca foi unha serie de televisión cómica española, creada por Daniel Écija e producida por Mediaset España Comunicación en colaboración con Globomedia para a súa emisión en Telecinco. Está ambientada na redacción dunha revista de moda e actualidade de tirada nacional, que conta, con Belén Rueda, Gonzalo de Castro, Macarena García e Dani Rovira como principais protagonistas.

A ficción foi estreada o 17 de febreiro de 2014 en horario central.[1]

Argumento[editar | editar a fonte]

Oscar Bornay (Adolfo Fernández), o dono de B&B, decide contratar a Pablo (Gonzalo de Castro) como novo director co obxectivo de incrementar as vendas da revista. A nova fichaxe sorprenderá a Candela (Belén Rueda), a subdirectora da publicación, que era a candidata natural para cubrir o posto. Por se fose pouco, Pablo é un antigo noivo que a abandonou 18 anos atrás sen dar explicacións. A chegada de Pablo coincidirá coa de Sonia (Macarena García), a filla universitaria de Candela, que afronta a súa primeira experiencia profesional.

Outro dos redactores é Juan (Dani Rovira), un xornalista júnior, apaixonado e cheo de ilusión que comparte piso con Mario (Fran Perea), un fotógrafo aposto e mullereiro que traballa na revista. Juan está tolamente namorado de Vero (Cristina Brondo), a doce e encantadora axudante de Estilismo. A moza esconde un gran segredo que Juan descubrirá no primeiro capítulo da serie.

O xefe directo de Vero é Clara (Cristina Alarcón), a filla do presidente de B&B e principal artífice da fichaxe do novo director, ao que coñeceu en Bos Aires e do que se namorou perdidamente. Lucas (Jorge Usón), o xefe da sección de Sociedade, conxenía á perfección con Clara pero móstrase contrario aos cambios que Pablo introduce na revista, encamiñados a convertela nunha publicación máis próxima e menos elitista.

Pola súa banda, o novo director pedirá axuda a César (Carlos Iglesias), un dos seus mellores amigos e colaboradores nos seus anos de xuventude, irmán de Candela e marido de Susana (Neus Sanz), a eficiente secretaria de Produción, coa que ten dous fillos: Toño (Emilio Palacios) e Cesítar (Alejandro Rodríguez), de 17 e 11 anos, respectivamente. César sempre traballou na redacción de Deportes de diversos medios, pero despois de dous anos no paro non lle quedará máis remedio que aceptar a oferta do seu colega.

Repartimento[editar | editar a fonte]

  • Gonzalo de Castro é Pablo Balboa, director de B&b.
  • Belén Rueda é Candela Bermejo, subdirectora de B&b.
  • Macarena García é Sonia Balboa Bermejo, bolseira de B&b, filla de Candela e Pablo.
  • Adolfo Fernández é Óscar Bornay, presidente do grupo empresarial de B&B.
  • Puchi Lagarde é Ángeles Miralles de Luzuriaga "Tita", esposa de Óscar.
  • Cristina Alarcón é Clara Bornay, xefa de estilismo, filla máis vella de Tita e Óscar.
  • Sara Sálamo é Cayetana Bornay, filla máis nova de Tita e Óscar.
  • Luisa Martín é Carmen, cociñeira dos Bornay.
  • César Mateo é Hugo, chofer dos Bornay e sobriño de Carmen.
  • Paula Prendes é Martina, secretaria de Óscar Bornay e filla de Carmen.
  • Carlos Iglesias é César Bermejo, redactor de deportes, irmán de Candela e esposo de Susana.
  • Neus Sanz é Susana, secretaria de produción de B&b, cuñada de Candela e esposa de César.
  • Emilio Palacios é Toño Bermejo, fillo máis vello de César e Susana.
  • Alejandro Rodríguez é Cesítar Bermejo, fillo máis novo de César e Susana.
  • Fran Perea é Mario, fotógrafo da revista.
  • Dani Rovira é Juan Gutiérrez, xornalista en prácticas.
  • Cristina Brondo é "Vero" Camacho, axudante de estilismo.
  • Jorge Usón é Lucas Berdún, xefe de sociedade.

Episódicos[editar | editar a fonte]

Notas[editar | editar a fonte]

  1. Fórmula TV, ed. (4 de febreiro de 2014). "Telecinco estrea o próximo luns 17 de febreiro 'B&B: De boca en boca' e despraza 'La que se avecina' ao mércores". Madrid: Noxvo Editorial. Consultado o 11 de febreiro de 2014. 

Véxase tamén[editar | editar a fonte]

Ligazóns externas[editar | editar a fonte]