Avelino Abuín de Tembra
| Biografía | |
|---|---|
| Nacemento | (gl) Avelino Abuín González  1931 Dodro, España |
| Morte | 2 de marzo de 2009 (77/78 anos) Santiago de Compostela, España |
| Lugar de sepultura | cemiterio de San Xoán de Laíño |
| Educación | Universidade de Santiago de Compostela |
| Actividade | |
| Ocupación | escritor, poeta |
| Familia | |
| Fillos | Ángel Abuín González |
Sinatura  | |
| Descrito pola fonte | Gran Enciclopedia Galega Silverio Cañada |
     | |
Avelino Abuín González, chamado Abuín de Tembra, nado en Imo (Dodro) en 1931 e finado en Santiago de Compostela o 2 de marzo de 2009,[1] foi un escritor galego.
Traxectoria
[editar | editar a fonte]Estudou Filosofía e Letras na Universidade de Santiago de Compostela e licenciouse en Filoloxía Románica.[2] Foi catedrático de ensino medio e Técnico Superior de Relacións Públicas. Comprometido coa cultura e coa lingua galegas foi un gran dinamizador cultural.
Foi redactor xefe de La Voz de Breogán de Lisboa entre 1957 e 1958. Foi o creador e impulsor dos Xogos Florais do Ensino Medio de Galicia (1963), antecesores dos premios Minerva-Peleteiro, e dos Cursos Monográficos Manuel Peleteiro (1966)[3], no colexio Manuel Peleteiro de Santiago, onde impartía clases de literatura española.
Fundador, xunto con outros intelectuais do Padroado do Pedrón de Ouro en 1964, que viría a ser distinguida posteriormente coma Fundación de Interese Galego, ostentando o cargo de presidente no ano 1996.
Foi secretario xeral da Fundación Rosalía de Castro e membro da súa Comisión de Cultura desde 1965. Promoveu o premio de poesía Eusebio Lorenzo Baleirón, que leva o nome do poeta de Dodro. Fundou a revista electrónica Galicia Viva (1999) da asociación cultural epónima. Creou e promoveu a Ruta Rosaliana[1][4].
Colaborou en numerosas publicacións xornalísticas galegas e na Radio Galega onde durante moitos anos dirixiu e presentou un programa dedicado ás bandas de música, que despois dirixiu e presentou en Radio Obradoiro.
Foi o pai do crítico literario Anxo Abuín.
Recoñecementos
[editar | editar a fonte]
No ano 2019 inaugurouse un local sociocultural en Imo que leva o seu nome trala remodelación da antiga escola unitaria de Imo.[5][6]
Obras
[editar | editar a fonte]Poesía
[editar | editar a fonte]- Camiños, 1961, Atlas, Santiago de Compostela.
- Home ao pairo, 1974, Abrente, Santiago de Compostela.
- Roldas de Compostela, 1983, Ediciós do Castro.
Ensaio
[editar | editar a fonte]- Ruta Rosaliana, 1984.
- Rosalía, biografía do centenario, 1985.
- Rosalía, 1987, Padroádego Rosalía de Castro.
Edicións
[editar | editar a fonte]- En las orillas del Sar de Rosalía, 1984, Padroádego Rosalía de Castro.
- Obras completas de Rosalía, 1992.
- Luís Aguirre. Poesía completa, 2007, 3C3.
- Na frente unha estrela, no bico un cantar, 2007, Fundación Rosalía de Castro.
Prólogos
[editar | editar a fonte]- E segues a tirarme das entrañas, de Miguel Anxo Mouriño, 1997.
Obras colectivas
[editar | editar a fonte]- Grandeza e decadencia do Palacio de Lestrove, 2012, Pousadas de Compostela.
Premios
[editar | editar a fonte]- Premio Ciudad de Carballo (1979).
- Premio Galicia de Poesía (1981).
- Premio Celso Emilio Ferreiro do Concello de Santiago (1981), por Roldas de Compostela.
Notas
[editar | editar a fonte]- ↑ 1,0 1,1 Saá, Ana (03-03-2009). "Fallece el intelectual Avelino Abuín de Tembra, presidente de Pedrón de Ouro". Faro de Vigo (en castelán). Consultado o 24-05-2025.
- ↑ "Avelino Abuín de Tembra". galegos.galiciadigital.com. Consultado o 24-05-2025.
- ↑ "Historia del Colegio" (en castelán). Colexio M. Peleteiro. Consultado o 24-05-2025.
- ↑ "«O amor galicián»". Galicia Hoxe. 03-03-2009. Arquivado dende o orixinal o 02-04-2017.
- ↑ Prada, Alba (26-01-2019). "Novo local sociocultural en Imo para honrar a Abuín de Tembra". El Correo Gallego. Consultado o 24-05-2025.
- ↑ López, Uxía (26-01-2019). "Dodro inaugura a escola Avelino Abuín de Tembra". La Voz de Galicia. Consultado o 24-05-2025.
Véxase tamén
[editar | editar a fonte]Bibliografía
[editar | editar a fonte]- Barrera, Feliciano, ed. (2002). Gallegos. Quién es quien en la Galicia del siglo XXI (en castelán). Santiago de Compostela: El Correo Gallego / O Correo Galego. p. 12. ISBN 84-8064-113-4.
- Dicionario biográfico de Galicia, Ir Indo Edicións, 2010-2011, Vigo.
Ligazóns externas
[editar | editar a fonte]- Abuín de Tembra adail do idioma galego (2011). Diario de Arousa.
- Avelino Abuín de Tembra en galiciadigital
