Ave do paraíso (planta)

Na Galipedia, a Wikipedia en galego.
Saltar ata a navegación Saltar á procura
Ave do paraíso
Strelitzia reginae
Flor de Strelitzia reginae
Flor de Strelitzia reginae
Clasificación científica
Reino: Plantae
División: Magnoliophyta
Clase: Liliopsida
Subclase: Zingiberidae
Orde: Zingiberales
Familia: Strelitziaceae
Xénero: Strelitzia
Especie: S. reginae
Nome binomial
Strelitzia reginae
Banks, 1789
Sinonimia
  • Véxase o texto

A ave do paraíso, Strelitzia reginae Banks, é unha especie de planta anxiosperma (monocotiledónea) da clase das liliópsidas, subclase das zinxibéridas, orde das zinxiberales e familia das estrelitziáceas.

É unha planta herbácea, rizomatosa, orixinaria de Suráfrica e amplamente cultivada en xardíns en rexións tropicais e subtropicais pola beleza das súas flores.

Taxonomía[editar | editar a fonte]

Descrición[editar | editar a fonte]

A especie foi descrita en 1789 polo naturalista, botánico e mecenas das ciencias naturais inglés Sir Joseph Banks, que reclasificou a Heliconia bihai J. S. Mill.[1] [2] [3]

Porén, no ITIS adxudícanlle a autoría ao tamén botánico inglés William Townsend Aiton.[4]

Etimoloxía[editar | editar a fonte]

O epíteto específico científico desta planta, reginae (en latín = "da raíña"), está dedicado á princesa alemá Carlota de Mecklemburgo-Strelitz, raíña consorte de Inglaterra polo seu casamento co rei Xurxo III do Reino Unido, falecida en 1818 e que era moi afeccionada á botánica.[5]

Sinónimos[editar | editar a fonte]

Os principais sinónimos desta especie (hai até 25) son:[6]

  • Heliconia strelitzia J.F.Gmel.
  • Strelitzia angustifolia W.T.Aiton
  • Strelitzia farinosa W.T.Aiton
  • Strelitzia gigantea J.Kern
  • Strelitzia glauca Rich.
  • Strelitzia humilis Link
  • Strelitzia ovata W.T.Aiton
  • Strelitzia parvifolia W.T.Aiton
  • Strelitzia regalis Salisb.
  • Strelitzia rutilans C.Morren

Características[editar | editar a fonte]

Dimensións[editar | editar a fonte]

Planta herbácea, de porte arbustivo cunha altura media de 1,5 m e un diámetro de 1,8 m.

Follas[editar | editar a fonte]

As follas, con longos pecíolos, son alternas, pinnatinervadas e dísticas.

Flores[editar | editar a fonte]

As flores son hermafroditas, asimétricas, polinizadas por aves, e preséntanse reunidas en grupos cinciniformes protexidos primariamente por grandes brácteas, varias delas laterais e con frecuencia longamente pedunculadas. O perigonio está formado por 6 tépalos distribuídos en dous grupos, os tres externos iguais e libres, os tres internos desiguais e xeralmente soldados, un de maiores dimensións e pregado en forma de frecha rodeando a estilo. O xineceo presenta 3 carpelos soldados, o ovario é ínfero, trilocular, con numerosos primordios seminais.

Froito[editar | editar a fonte]

O froito é unha cápsula valvicida que se abre por 3 valvas.

Cultivo[editar | editar a fonte]

Necesita luz intensa tres ou catro horas diarias de luz solar directa e non florece con luz inadecuada. Durante o período de crecemento activo, pode cultivarse en condicións normais. Necesita de regos moderados e humidade normal. Entre marzo e outubro require grandes cantidades de auga. As aves do paraíso son moi sensibles ao ataque das cochinillas.

Galería[editar | editar a fonte]

Notas[editar | editar a fonte]

  1. CJB Genève. African Plant Database.
  2. Strelitzia reginae Banks in U.S. National Plant Germplasm System. United States Department of Agriculture. Agricultural Research Service. Consultado o 9-9-2018.
  3. "Strelitzia reginae, in World Checklist of Selected Plant Families". Royal Botanic Gardens, Kew. Consultado o 9-9-2018. 
  4. Strelitzia reginae Aiton, no ITIS.
  5. Strelitzia reginae00 en Memidex.]
  6. Strelitzia reginae Banks in The Plant List. (Organización que colabora co Royal Botanic Gardens, Kew e o and Missouri Botanical Garden.

Véxase tamén[editar | editar a fonte]

Bibliografía[editar | editar a fonte]

Outros artigos[editar | editar a fonte]

Ligazóns externas[editar | editar a fonte]