Auritz (en castelán: Burguete e oficialmente Auritz/Burguete) é un concello de Navarra, situado no meiriñado de Sangüesa, na bisbarra de Auñamendi e a 45 km da capital da comunidade, Pamplona. A súa poboación en 2013 foi de 260 habitantes (INE), o termo municipal ten unha superficie de 19,19 km² e a densidade de poboación é de 13,55 hab./km².
Adoptouse como Escudo municipal o que figuraba na fachada da igrexa San Nicolao de Bari, no ano 1952. O Escudo de armas de Auritz ten o seguinte brasón:
Escudo partido; no 1º: En campo de ouro un carballo atravesado por un cervo andante na súa cor natural e no 2º cuartel: en campo de azur, un crecente de prata en xefe e un luceiro de ouro en punta. De bordura as cadeas de Navarra sobre goles.[1]
