Saltar ao contido

Aubin Louis Millin de Grandmaison

Na Galipedia, a Wikipedia en galego.
Modelo:BiografíaAubin-Louis Millin de Grandmaison



Nome orixinalAubin Louis Eleuthérophile Millin de Grandmaison
Biografía
Nacemento19 de xullo de 1759.
Francia París, Francia.
Morte14 de abril de 1818 (58 anos)
Francia París, Francia.
Lugar de sepulturaCemiterio do Père-Lachaise, París. 
Cargos
Presidente da
Biblioteca Nacional de Francia
Período1799-1800
AntecesorAdrien-Jacques Joly
SucesorJean-Augustin Capperonnier.
Director do
Gabinete de Medallas e Moedas de Francia
Período1799-1818
AntecesorAndré Barthélemy de Courcay.
SucesorDésiré Raoul Rochette.
Datos persoais
Outros nomesEleuthérophile Moulin
ResidenciaParís Editar o valor en Wikidata
País de nacionalidadeFrancia Francesa.
Actividade
Campo de traballobotánica, biblioteconomía, numismática, arqueoloxía, antigüidades.
Lugar de traballo París Editar o valor en Wikidata
Ocupaciónbotánico, historiador, coleccionista de arte, coleccionista de libros, xornalista, editor, xornalista de opinión, entomólogo, Le père de mes enfants, anticuario, profesor universitario, bibliotecario, mineraloxista, historiador da arte, arqueólogo clásico, escritor, numismático, Conservador-restaurador, arqueólogo Editar o valor en Wikidata
EmpregadorBiblioteca Nacional de Francia.
Membro de
Société linnéenne de Paris.
Académie des inscriptions et belles-lettres.
Academia Prusiana das Ciencias.
Academia das Ciencias de Turín.
Academia Leopoldina.
Real Academia das Artes e as Ciencias dos Países Baixos.
Academia das Ciencias de Gotinga.
Compañeiro profesionalMarie-François Drouhin Editar o valor en Wikidata
Familia
CónxuxeMarie-François Drouhin. Editar o valor en Wikidata
PaisAlexandre Millin de Grandmaison Editar o valor en Wikidata  e Noëlle Geslin. Editar o valor en Wikidata
Premios
Cabaleiro da Lexión de Honra (1806).
Sinatura
Descrito pola fonteBiblioteca dixital BEIC
Dicionario Enciclopédico Brockhaus e Efron Editar o valor en Wikidata
BNE: XX1021409

Aubin-Louis Millin de Grandmaison, nado en París o 19 de xullo de 1759 e finado na mesma cidade o 14 de abril de 1818, foi un naturalista e bibliotecario francés, erudito en varios campos, sinaladamente a arqueoloxía, a numismática e a historia da arte medieval e clásica. Foi presidente da Biblioteca Nacional de Francia e director do Gabinete de Medallas desta institución.

Traxectoria

[editar | editar a fonte]

Orixe familiar

[editar | editar a fonte]

Aubin Louis Millin de Grandmaison naceu en París en xullo de 1759,[1] fillo de Noëlle Geslin e de Alexandre Millin de Grandmaison,[2] unha familia da vella burguesía francesa, oriúnda da rexión de Nivernais, que desde o século XVII exercera cargos xudiciais e na bailía.[3]

Carreira como erudito

[editar | editar a fonte]

A súa traxectoria profesional transcorreu case por completo na Biblioteca Nacional de Francia, á que se incorporou en 1778 como empregado temporal.[4]

Inicialmente, centrou o seu interese nas ciencias naturais, e en 1787 foi un dos fundadores da Société linnéenne de Paris, mais o estoupido da Revolución Francesa, cuxas ideas compartía nun principio, fixo que a súa carreira tomase unha nova dirección. Consciente do valor histórico do patrimonio arquitectónico, na década de 1790 emprendeu a publicación de diversos artigos e traballos monográficos sobre esta temática, entre as que cómpre salientar Antiquités nationales,[4] publicada en cinco volumes entre 1790 e 1799.[5]

Millin foi encarcerado en setembro de 1793,[6] por mor da súa hostilidade cara aos xacobinos, mais a caída de Robespierre permitiulle fuxir da guillotina e foi liberado logo dun ano na cadea.[4]

Entre 1795 e 1816 exerceu como editor de Magasin encyclopédique ou journal des sciences, des lettres et des arts, unha revista en cuxa fundación el mesmo contribuíra en 1792,[4] e que en 1817 foi sucedida polos Annales encyclopédiques, creados polo propio Millin. O Magasin serviulle para manter lazos coas comunidades científicas, literarias e artísticas de toda Europa.[7] De feito, Millin mantivo estreito contacto epistolar con persoeiros como o naturalista Alexander von Humboldt e o seu irmán, o filósofo Wilhelm von Humboldt, así como August Wilhelm von Schlegel, figuras fundadoras do movemento romántico alemán.[8]

Gravado cun retrato de Aubin-Louis Millin de Grandmaison.

Na Biblioteca Nacional, logo dunha ausencia de arredor dunha década, sucedeu o 10 de xuño de 1795 a Barthélemy de Courcay como profesor de Arqueoloxía e conservador do Gabinete de Medallas, Moedas e Antigüidades,[6][9] cargo que ocupou ata o seu falecemento.[4] Paralelamente o 27 de outubro de 1795 foi elixido secretario, e o 18 de outubro de 1799 presidente da Biblioteca.[1][10]

Millin emprendeu dúas viaxes longas, a primeira entre 1804 e 1806 ao Sur de Francia (a rexión de Midi), e a segunda a Italia de 1811 a 1813. En ambos os casos, estas experiencias ficaron reflectidas en varias monografías.[1][11]

Ao longo da súa traxectoria como erudito, formou parte de numerosas academias e sociedades eruditas, entre elas a Académie des inscriptions et belles-lettres, de París,a Academia Prusiana das Ciencias, a Academia das Ciencias de Turín, a Academia Leopoldina, a Real Academia das Artes e as Ciencias dos Países Baixos ou a Academia das Ciencias de Gotinga.[1] Ademais, por decreto do 25 de abril de 1806, Millin de Grandmaison foi nomeado Cabaleiro da Lexión de Honra.[12]

Aubin Louis Millin finou en París o 14 de abril de 1818,[1] aos 58 anos, e foi soterrado no cemiterio de Père-Lachaise.[13]

Publicacións

[editar | editar a fonte]

Esta é unha escolma da abundante produción bibliográfica de Millin de Grandmaison:

Notas

[editar | editar a fonte]
  1. 1 2 3 4 5 "Millin de Grandmaison, Aubin Louis Eleuthérophile ". Comité des travaux historiques et scientifiques (CTHS.fr).
  2. ↑ "Aubin Millin de Grandmaison dit Eleuthérophile Millin". Geneanet.org
  3. ↑ Dioudonnat, P. M. (2012). Le Simili-Nobiliaire-Français. Sedopols. Páxina 575. ISBN 978-2904177231
  4. 1 2 3 4 5 Dupuy-Vachey, M. A. (2014). Páxina 173.
  5. ↑ Véxase "(1790-1799)" en "Publicacións".
  6. 1 2 Waquet, D. (2026).
  7. ↑ Dupuy-Vachey, M. A. (2014). Páxina 174.
  8. ↑ Dupuy-Vachey, M. A. (2014). Páxinas 175-176.
  9. ↑ Lehoux, E. (2017). "L’enseignement de l’archéologie au 19e siècle: Aubin Louis Millin à la Bibliothèque nationale". L'Antiquité à la BnF (antiquitebnf.hypotheses.org).
  10. ↑ "Aubin-Louis Millin de Grandmaison". En Amandry, M. (2005). "Les directeurs du département des Monnaies, Médailles et Antiques depuis 1719". Bibliothèque nationale de France. Comité d'histoire.
  11. ↑ D'Achille, A. M. (2012).
  12. ↑ "Millin, Aubin Louis". Base de données Léonore. Archives nationales (leonore.archives-nationales.culture.gouv.fr).
  13. ↑ Marchant de Beaumont, F. M. et al. (1822). Vues pittoresques, historiques et morales du cimetière du P. La Chaise. Vol. I. Páxina 423.

Véxase tamén

[editar | editar a fonte]

Bibliografía

[editar | editar a fonte]
  • Waquet, D. (2026). "Millin [de Grandmaison], Aubin Louis". En Dictionnaire des habitants, occupants, propriétaires et lieux remarquables de la rue et du cloître Saint-Honoré pendant la Révolution et l'Empire. Société d'études robespierristes, París. Páxina 395.
Predecesor:
André Barthélemy de Courcay		 Director do
Gabinete de Medallas de París
1799 - 1818		 Sucesor:
Jean-Antoine Letronne
Obtido de «https://gl.wikipedia.org/w/index.php?title=Aubin_Louis_Millin_de_Grandmaison&oldid=7442941»