Aturuxo (revista)

Na Galipedia, a Wikipedia en galego.

Aturuxo foi unha revista literaria, fundamentalmente poética -aínda que tamén deu cabida á crítica literaria-, que se publicou en Ferrol entre 1952 e 1960.

Historia e características[editar | editar a fonte]

Foi dirixida por Miguel C. Vidal e Tomás Barros que, xunto a Mario Couceiro, conseguiron levar a cabo esta difícil empresa literaria nun Ferrol que daquela presentaba unha moi escasa actividade cultural. No contexto das revistas poéticas publicadas na Galiza entre 1940 e 1960 ocupa un posto de relevo. Nas súas páxinas aparecen setenta e sete escritores. Os seus colaboradores galegos eran de grande relevancia. Foi a primeira en dedicarlle un número monográfico de homenaxe a Luís Pimentel.