Atrofia
| Atrofia | |||||||||||
|---|---|---|---|---|---|---|---|---|---|---|---|
 | |||||||||||
| |||||||||||
| |||||||||||
| Características | |||||||||||
|
Especialidade médica
| |||||||||||
| |||||||||||
| |||||||||||
| Wikidata C:Commons | |||||||||||
A atrofia é un termo empregado en bioloxía e patoloxía para facer referencia á diminución do volume, tamaño ou función dun membro, órgano ou tecido. Tamén fai referencia ao debilitamento ou diminución dalgunha facultade ou capacidade.[1]
Tamén se fala de atrofia en referencia á involución dun órgano, tecido, etc., ou da súa función, por razóns fisiolóxicas normais (desenvolvemento ontoxenético, envellecemento, etc.), como é o caso da atrofia da arteria e vea umbilical no nacemento, a dos órganos sexuais por senilidade, ou a dos vasos condutores das plantas cando se produce o proceso de lignificación, ou por causas patolóxicas, como é o caso da dexeneración 'dalgúns tecidos tras determinadas doenzas ou lesións.[2]
Dende o punto de vista da evolución, a atrofia é a involución filoxenética dun órgano, tecido, etc., como sofren, por exemplo, as extremidades dos cetáceos fronte á dos mamíferos tetrápodos que os precederon filoxeneticamente. A atrofia é un fenómeno común ao longo dos procesos evolutivos.
A hipotrofia é cando se produce un desenvolvemento inferior ao normal de células, tecidos, órganos ou individuos, sen alteración da estrutura.
