Ataxia sensorial

A ataxia sensorial é unha síndrome neurolóxica e un signo médico. É unha forma de ataxia, isto é, perda da coordinación, que non está causada por un dano no cerebelo, senón por unha perda da percepción sensorial que regula o movemento. A ataxia sensorial diferénciase da ataxia cerebelosa en que, entanto que o equilibrio é bastante próximo á normalidade cos ollos pechados, cando o paciente abre os ollos a perda de equilibrio é manifesta. En pacientes con ataxia sensorial o signo de Romberg adoita ser positivo.

Causas

A ataxia sensorial prodúcese como consecuencia de trastornos que afectan á vía propioceptiva consciente a nivel de:

• Nervio periférico
• Raíces posteriores
• Cordóns posteriores
• Lemnisco medial no tronco encefálico
• En raras ocasións, por lesións talámicas ou parietais, pode producirse unha hemiataxia sensitiva contralateral.

Véxase tamén

Outros artigos

• Ataxia
• Ataxia cerebelosa

Ligazóns externas

• Tipos de ataxias Arquivado 31 de xaneiro de 2013 en Wayback Machine.