Astipalea (mitoloxía)

Para outras páxinas con títulos homónimos véxase: Astipalea (homónimos).

Na mitoloxía grega, Astipalea foi a filla de Fénix, fillo de Axenor, e de Perimede, filla de Eneo.

Foi seducida por Poseidón, de quen enxendrou dous fillos: Anceo e Eurípilo, rei de Cos. Nos textos de Hixino, este segundo toma o nome de Periclímeno.

Eurípilo foi morto por Heracles cando o heroe, unha vez cumpridos os doce traballos, regresaba de conquistar Troia.

"Heracles chegou navegando ata as proximidades de Cos... Logrando forzar a entrada, apoderouse pola noite da cidade e deu morte ó rei Eurípilo, fillo de Astipalea e Posidón".

(Pseudo-Apolodoro: Biblioteca mitológica II, 7, 1)

Anceo foi un dos Argonautas e encargouse do goberno da nave Argo ata a Cólquide, trala morte do temoneiro Tifis.

Véxase tamén

Bibliografía

• Grimal, Pierre (1981). Diccionario de mitología griega y romana. Paidós. ISBN 9788449324574.  (en castelán)
• Hixino (2009). Fábulas mitológicas. Alianza Editorial. ISBN 9788420650722.  (en castelán)
• Pseudo-Apolodoro (2016). Biblioteca mitológica. Alianza Editorial. ISBN 9788491044277.  (en castelán)