Aspidistra

Na Galipedia, a Wikipedia en galego.

A aspidistra[1] (Aspidistra elatior) é unha especie de planta rizomatosa pertencente á familia das asparagáceas. É nativa do Xapón e é amplamente cultivada como planta ornamental.[2][3]

Detalle da flor.
Vista da planta.

Descrición[editar | editar a fonte]

Aspidistra elatior é unha planta sen talo que alcanza un tamaño dun metro de altura, con follas de cor verde escura.[3] As pequenas e solitarias flores de cor púrpura poden aparecer na base da planta na primavera.[2]

Distribución[editar | editar a fonte]

Aínda que se pensa que é de orixe chinesa,[2] a especie é, de feito, nativa das illas do sur do Xapón, incluíndo Kuroshima,[4] Suwanosejima[5] e as Illas Uji.[6] Preséntase en asociación con especies como Ardisia sieboldii ou Castanopsis sieboldii.[2]

Cultivo[editar | editar a fonte]

Aspidistra elatior é unha planta exótica ben coñecida por non precisar moitos coidados. É tolerante a condicións de pouca luz, baixa humidade, rega irregular, e a flutuacións de temperatura. É mellor poñela afastada dos raios directos do sol para evitar que as follas embranquezan. Unha boa drenaxe é tamén necesaria para un crecemento óptimo e para evitar a podremia da raíz. A especie non acostuma ser seriamente atacada por insectos, aínda que, os ácaros e as cochinillas poden causar problemas ocasionais.[3] As follas e as raíces poden ser consumidas polos mamíferos ungulados como o cervo, así como por roedores e coellos.

Taxonomía[editar | editar a fonte]

Aspidistra elatior foi descrita por Carl Ludwig Blume e publicado en Tijdschrift voor Natuurlijke Geschiedenis en Physiologie 1: 76, pl. 4, no ano 1834.[7]

Variedades aceptadas
  • Aspidistra elatior var. attenuata (Hayata) S.S.Ying
  • Aspidistra elatior var. elatior
Sinonimia
  • Aspidistra attenuata Hayata
  • Aspidistra punctata var. albomaculata Hook.
  • Aspidistra variegata (Link) Regel
  • Plectogyne variegata Link[8]

Notas[editar | editar a fonte]

  1. Nome vulgar galego en Vocabulario ortográfico da lingua galega, A Coruña, Real Academia Galega / Instituto da Lingua Galega, 2004
  2. 2,0 2,1 2,2 2,3 "Aspidistra elatior". Flora of China. Consultado o 19 de febreiro de 2009. 
  3. 3,0 3,1 3,2 "Aspidistra elatior". PlantFinder. Missouri Botanical Garden. Consultado o 19 de febreiro de 2009. 
  4. Sako, Shizuo; Katsutoshi Maruno (1983). "Flora of Island Kuroshima, Pref. Kagoshima, Kyushu" (PDF). Bulletin of the Kagoshima University Forest 11: 33–61. ISSN 03899454. Arquivado dende o orixinal (PDF) o 18 de xullo de 2011. Consultado o 20 de febreiro de 2009. 
  5. Sako, Shizuo; Hidenobu Kirino (1980). "Flora of Isl. Suwanose-jima, Isls. Tokara, Ryukyus" (PDF). Bulletin of the Kagoshima University Forest 8: 19–53. ISSN 03899454. Arquivado dende o orixinal (PDF) o 18 de xullo de 2011. Consultado o 20 de febreiro de 2009. 
  6. Sako, Shizuo; et al. (1988). "Flora of the Uji Isls., Kagoshima Pref., Kyushu" (PDF). Bulletin of the Kagoshima University Forest 16: 83–108. ISSN 03899454. Arquivado dende o orixinal (PDF) o 18 de xullo de 2011. Consultado o 20 de febreiro de 2009. 
  7. Aspidistra en Trópicos
  8. Aspidistra en PlantList

Véxase tamén[editar | editar a fonte]

Bibliografía[editar | editar a fonte]

  1. CONABIO. 2009. Catálogo taxonómico de especies de México. 1. In Ca. nat. México. CONABIO, Cidade de México.
  2. Flora of China Editorial Committee. 2000. Fl. China 24: 1–431. Science Press & Missouri Botanical Garden Press, Beijing & St. Louis.

Ligazóns externas[editar | editar a fonte]