Asociación Deportiva Lavadores CF
| AD Lavadores CF | |||
|---|---|---|---|
| Fundación | 1985 | ||
| Estadio | Estadio do Meixoeiro | ||
| Inauguración | 1989 | ||
| Presidente | Emilio Calviño | ||
| Adestrador | Xosé Manuel Freire | ||
| Liga | Terceira Futgal | ||
| 2024/25 | 8 | ||
| Vestimenta | Zico | ||
| Patrocinador | Calfonca | ||
| Na rede | |||
   | |||
| |||
A Asociación Deportiva Lavadores Club de Fútbol é un club de fútbol vigués da parroquia de Lavadores. Foi fundado en 1985. Na tempada 2025/26 compite na Terceira Futgal.
Historia
[editar | editar a fonte]A AD Lavadores CF foi fundada en 1985 polo presidente Ramón Valois.[1] Durante os primeiros anos iviu unha etapa de consolidación institucional e deportiva entre finais do século XX e comezos do XXI. Entre 1986 e 2000, baixo a presidencia de José Vidal Ogando, o club experimentou un notábel crecemento nas categorías de base e no fútbol afeccionado. Durante este período, o equipo acadou dous títulos na competición de Modestos de Vigo e chegou en tres ocasións á final da Copa de Vigo. Ademais, producíronse importantes ascensos nas categorías inferiores, incluíndo os conxuntos infantil, cadete e xuvenil.[2]
Na tempada 1992-93, a entidade deu un paso adiante ao incorporarse á Terceira División Rexional, deixando atrás a súa participación no grupo de Modestos de Vigo.
Xa na tempada 2000-01, Javier Álvarez asumiu a presidencia do club. Durante o seu mandato, o equipo sénior conseguiu un fito histórico ao lograr o seu primeiro ascenso á Segunda Rexional.
Pouco despois, na campaña 2002-03, o club atravesou unha grave crise económica e organizativa que puxo en risco a súa continuidade, chegando mesmo a valorar a desaparición dalgunhas das súas categorías. Nese contexto, Emilio Calviño accedeu á presidencia e impulsou unha nova xunta directiva, integrada en boa medida por membros vinculados a etapas anteriores do club.
Unha das primeiras actuacións desta nova dirección foi a mellora das instalacións deportivas, logrando o apoio da Deputación Provincial para a instalación de céspede sintético no campo do Meixoeiro, o que supuxo unha modernización clave para a entidade.
Anos máis tarde, en 2012, a AD Lavadores CF conseguiu un novo ascenso á Segunda Autonómica, categoría na que se mantivo durante catro tempadas consecutivas, consolidando así a súa presenza no fútbol afeccionado galego.
Palmarés
[editar | editar a fonte]- Terceira Autonómica de Galicia (1): 2001-02
Notas
[editar | editar a fonte]- ↑ Romero, Marcos. "El Lavadores está de aniversario". Faro de Vigo.
- ↑ "AD Lavadores CF". La Preferente.
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte]