Asociación Católica de Propagandistas
| Asociación Católica de Propagandistas | |
|---|---|
| Tipo | asociación |
| Data de fundación | 1909 |
| Fundador(es) | Ángel Ayala |
| País | España |
| Na rede | |
| http://www.acdp.es | |
| [ editar datos en Wikidata ] | |
A Asociación Católica de Propagandistas (ACdP) é unha organización española de segrares católicos cuxo modo de perseguir o ideal relixioso é a propagación da fe católica e o apostolado, formando e instando a minorías selectas destinadas a dirixir a vida pública da sociedade e a acción social e política dos católicos, entre os que exercen un papel aglutinante.
Historia e características[editar | editar a fonte]
A asociación foi fundada en 1909 polo sacerdote xesuíta Ángel Ayala. Foi consolidada por Ángel Herrera Oria nos anos vinte.
Influencias no franquismo[editar | editar a fonte]
Durante o réxime do Xeneral Franco, os propagandistas constituíron unha das familias máis influentes do panorama español, especialmente trala derrota das Potencias do Eixe na Segunda guerra mundial e o desprazamento dos sectores da Falanxe Española en beneficio do nacional-catolicismo representado polos propagandistas, ata a aparición dos tecnócratas do Opus Dei. Tralo Concilio Vaticano II, algúns propagandistas, como Joaquín Ruiz-Giménez convertéronse en opositores ao réxime, en tanto que outros, integrados no grupo Tácito, premeron a prol da reforma do réxime. Moitos propagandistas tiveron un papel moi influente durante a Transición, chegando un deles, Leopoldo Calvo-Sotelo á presidencia do Goberno.
Proxectos[editar | editar a fonte]
Da ACdeP xurdiron varios proxectos:
- A Editorial Católica.
- A Confederación Nacional de Estudantes Católicos.
- A primeira escola de Periodismo de España, vinculada ao diario El Debate.
- Os xornais Ya, Hoy de Badaxoz e o Ideal de Granada.
- O Instituto Social Obreiro.
- A Biblioteca de Autores Cristianos.
- O Instituto Social León XIII.
- Cáritas Española.
- A Asociación Pío XII de agricultores.
- A Escola de Cidadanía Cristiana da Igrexa.
- Os congresos e xornadas Católicos e Vida Pública.
- O Colexio Maior Universitario San Pablo de Madrid, que é a principal obra da ACdP na actualidade.
Fundación Universitaria San Pablo CEU[editar | editar a fonte]
A Fundación Universitaria San Pablo CEU, da que dependen as universidades San Pablo de Madrid, Cardenal Herrera de Valencia e a Abat Oliba de Barcelona. Así coma cinco colexios de primaria e secundaria en Madrid, Valencia, Barcelona, Alacant e Murcia. Tamén conta con diferentes centros de posgraduado, unha escola de maxisterio e dúas escolas de negocios.
Da Fundación San Pablo Andalucía, fundada polos propagandistas andaluces depende a Universidade Fernando III cuxa propiedade está compartida coa Provincia de bética da Compañía de Xesús.
