Asier Villalibre

Asier Villalibre

(2023)
Biografía
Nacemento	(es) Asier Villalibre Molina 30 de setembro de 1997 (28 anos) Gernika-Lumo
Outros nomes	Búfalo
Altura	1,84 m
Peso	82
Actividade
Ocupación	futbolista
Período de actividade	2015 -
Instrumento	Trompeta
Nacionalidade deportiva	España
Deporte	fútbol
Posición de xogo	Dianteiro centro
Número deportivo	20
Traxectoria   Deporte base –2011 Gernika Club 2011–2014 Athletic Club   Equipo 2013–2015 CD Basconia 45 (26) 2014–2019   Bilbao Athletic 101 (38) 2016–2024   Athletic Club 127 (21) 2017–2017 → cesión:  Club Deportivo Numancia de Soria 6 (0) 2017–2017 → cesión:    Real Valladolid 17 (2) 2018–2018 → cesión:  Lorca Football Club 12 (0) 2023–2023 → cesión:    Deportivo Alavés 20 (6) 2024–2026   Deportivo Alavés 18 (1) 2025–2026 → cesión:    Racing de Santander 33 (16) 2026–   Racing de Santander   Selección nacional 2013–2014   España sub-17 9 (2) 2014–2015   España sub-18 3 (1) 2015–2015   España sub-19 1 (0) 2019–   País Vasco 3 (0)

Asier Villalibre Molina, nado en Gernika o 30 de setembro de 1997, é un futbolista vasco que xoga como dianteiro no Racing de Santander, da Primeira División.

Traxectoria

Comezos

Nado en Guernica, formouse como futbolista nas canteiras da SD Gernika e do Athletic de Bilbao. Na tempada 2013/14, con só 15 anos, debutou co Basconia na Terceira División, marcando 6 goles en 11 partidos. Na seguinte tempada marcou 20 goles co Basconia, disputou a Liga Xuvenil da UEFA co equipo xuvenil e debutou co Bilbao Athletic na Segunda División B.

En maio de 2015 foi subido ao filial, xa na Segunda División. Debutou na categoría de prata o 24 de agosto, ante o Girona, substituíndo na segunda metade a Gorka Santamaría. Marcou o seu primeiro gol en Segunda o 6 de setembro de 2015, pechando a vitoria na casa por 3-1 sobre o Mallorca. Con 17 anos e 341 días, converteuse no segundo goleador máis novo do equipo en Segunda (por detrás só dos 17 anos e 198 días de Ander Garitano en 1986). Disputou 32 encontros co Bilbao Ahletic esa campaña, pero non puido evitar o descenso do equipo á Segunda B.

Athletic Club

Na tempada 2016/17 consolidouse como titular indiscutible no filial, e o 3 de decembro de 2016 foi convocado polo primeiro equipo para o derbi vasco contra o Eibar, debido a que o dianteiro titular Aritz Aduriz estaba sancionado tras ser expulsado no partido anterior. Debutou na Primeira División ao día seguinte, substituíndo a Iñaki Williams aos 84 minutos, e deu unha asistencia a Iker Muniain, que marcou no tempo engadido o gol final da vitoria por 3-1.

Xogou o seu primeiro partido en competición europea o 8 de decembro de 2016, contribuíndo con outro pase decisivo nun empate 1-1 contra o Rapid Wien na fase de grupos da Europa League. Xogou un total de oito partidos co primeiro equipo esa tempada, ademais de 27 co filial, co que anotou 11 goles.

O 2 de maio de 2017, fóra do período de fichaxes, foi cedido ao Numancia para substituír a Jairo Morillas, lesionado de gravidade, nas seis xornadas que restaban. O conxunto soriano conseguiu o seu obxectivo de permanecer na Segunda División.

Para a tempada 2017/18 foi cedido ao Real Valladolid, tamén da segunda división. O seu paso polo club coincidiu coa explosión goleadora de Jaime Mata, polo que apenas contou con oportunidades no equipo adestrado polo galego Luis César. Non foi titular en ningún partido de liga, competición na que disputou pouco máis de 200 minutos repartidos en 13 encontros, e só puido marcar na Copa do Rei, ante o Huesca e a Cultural Leonesa.

No mercado invernal deixou o Valladolid e foi cedido ao Lorca, último calsificado da Segunda División, na busca de máis minutos. No conxunto andaluz tampouco conseguiu ter continuidade, gozando só de dúas titularidades para un total de 12 partidos, e ademais sufriu o descenso do equipo á Segunda B.

De regreso no Bilbao Athletic marcou 23 goles na tempada 2018/19, converténdose no máximo goleador dos catro grupos da Segunda División B, e igulando a marca de Julio Salinas como máximo goleador nunha tempada do filial. O seu gran rendemento serviulle para ser ascendido ao primeiro equipo do Athletic para a campaña seguinte.

Marcou os seus dous primeiros goles co Athletic nun partido da Copa do Rei ante o Sestao, e o seu primeiro tanto na Primeira División chegou o 25 de xaneiro de 2020, contra o Espanyol. O 17 de xaneiro seguinte disputou a final da Supercopa de España contra o FC Barcelona e un gol seu no último minuto levou o partido á prórroga, onde o seu equipo se proclamou campión ao vencer por 3-2. Nese mesmo partido foi obxecto dunha agresión que lle valeu a Lionel Messi a primeira e única cartolina vermella da súa carreira a nivel de clubs.

Despois de marcar 11 goles entre as súas dúas primeiras tempadas no primeiro equipo, o seu rendemento baixou notablemente, chegando a estar case un ano sen marcar un gol ata que o logrou en abril de 2022.

Sen apenas minutos na primeira metade da tempada 2022/23, o 30 de xaneiro de 2023 anunciouse a súa cesión ao Deportivo Alavés, de Segunda. Debutou con dous goles no derbi vasco contra o Eibar e sumou un total de catro na tempada regular, conseguindo a clasificación para a promoción de ascenso. Nesta, anotou nas semifinais, de novo ante o Eibar, e no partido de volta da final contra o Levante marcou de penalti no derradeiro minuto da prórroga o único gol da eliminatoria, dándolle a vitoria ao seu equipo e converténdose así no heroe do ascenso á Primeira División.

De volta no Athletic, disputou 18 partidos en liga, saíndo de inicio só en catro deles. Con todo, destacou na Copa do Rei, marcando dous goles ante o Cayón, dous ante o Eibar e outros dous ante o Alavés. Aínda que quedou no banco na final que o seu equipo conquistou ante o Mallorca, acabou como o máximo anotador do torneo xunto con Abdón Prats e Anastasios Douvikas.

Alavés

O 15 de xullo de 2024 volveu ao Alavés, co que asinou un contrato por catro anos. Con todo, apenas tivo continuidade no equipo vitoriano, dispoñendo só de dúas titularidades en liga e outras dúas na Copa do Rei.

Para a tempada 2025/26, foi cedido ao Racing de Santander, da Segunda División. Nos seus tres primeiros partidos co club cántabro marcou catro goles e pechou a tempada con 16 dianas e co ascenso a Primeira División. Ao remate da tempada, o Racing exerceu a súa opción de compra obrigatoria sobre o xogador en caso de ascenso.