As Fragas, O Campo Lameiro

As Fragas
	Igrexa parroquial.
Concello	O Campo Lameiro
Provincia	Pontevedra
Coordenadas	42°31′28″N 8°33′27″O / 42.52444444, -8.5575
Poboación	568 hab. (2019)
Entidades de poboación	7
	[ editar datos en Wikidata ]

Santa Mariña das Fragas^[2] é unha parroquia que se localiza no sur do concello do Campo Lameiro. Segundo o padrón municipal de 2013 tiña 605 habitantes (299 mulleres e 306 homes) distribuídos en 7 entidades de poboación, o que supón unha diminución en relación ao ano 2004 cando tiña 658 habitantes.

Patrimonio

A igrexa parroquial de Santa Mariña das Fragas conserva a fachada románica (do século XII), estando completamente reformado o resto do templo. Sobre a porta existe un sinxelo tímpano no que se representa a un bispo bendicindo ós fieis, acompañado dunha figura cunha cruz e outra cos evanxeos.

No territorio desta parroquia atópase un dos numerosos complexos de petróglifos que existen no Campo Lameiro. Denomínase a Pedra da Boullosa e posúe abondosas insculturas de animais (entre os que destaca unha serpe de case 5 metros de lonxitude), círculos e cazoletas. Tamén pode verse unha figura humana cun pau na man dereita.