Arroz amargo

Arroz amargo
Silvana Mangano no filme.
Ficha técnica
Título orixinal	Riso amaro
Director	Giuseppe De Santis
Produtor	Dino De Laurentiis
Guión	Giuseppe De Santis Carlo Lizzani Gianni Puccini
Intérpretes	Vittorio Gassman Doris Dowling Silvana Mangano Raf Vallone Checco Rissone Carlo Mazzarella
Música	Goffredo Petrassi
Fotografía	Otello Martelli
Montaxe	Gabriele Varriale
Distribuidora	Lux Film Distributing Corporation
Estrea	21 de setembro de 1949 19 de xuño de 1989 (TVG)
Duración	108 minutos
Orixe	Italia
Na rede

Arroz amargo (en italiano: Riso amaro) é un filme italiano de 1949 escrito e dirixido por Giuseppe De Santis. Producido por Dino De Laurentiis, está protagonizado por Silvana Mangano, Raf Vallone, Doris Dowling e Vittorio Gassman. Arroz amargo foi un éxito comercial en Europa e os Estados Unidos e está considerada unha obra do neorrealismo italiano. Malia que non gañou ningún galardón, foi nomeado Oscar ó mellor argumento na 23ª edición dos premios, e entrou na competición do Festival Internacional de Cinema de Cannes.

Estreouse en galego o 19 de xuño de 1989 a través da TVG.

Sinopse

O filme comeza coa tempada de plantación de arroz no norte de Italia. Nun intento de escapar da lei, dous rateiros, Francesca (Doris Dowling) e Walter (Vittorio Gassman), agóchanse entre a multitude de mulleres traballadores que se dirixen aos campos de arroz no val do Po. Mentres intentan montar no tren, a parella achégase a Silvana (Silvana Mangano), traballadora campesiña- Francesca monta no tren con Silvana, que lle amosa a súa forma de vida. Francesca non ten permiso de traballo, e loita coas "ilegais" para atopar un lugar nos campos. Tras unha resistencia inicial das traballadoras legais e dos xefes, permíteselles traballar. No campo, Silvana e Francesca coñecen un soldado a piques de licenciarse, Marco (Raf Vallone), que intenta sen éxito atraer o interese de Silvana.

Contra o final da tempada, Walter chega aos campos, intentando roubar unha gran cantidade de arroz. Excitada polo seu estilo de vida criminal, Silvana séntese atraída por Walter. A ela divírtelle axudar a levar a cabo o atraco, mais Francesca e Marco se encargan de parar a Walter e os seus cómplices. Francesca e Silvana enfróntanse unha á outra, armadas con pistolas; Francesca explícalle a Silvana que fora manipulada por Walter. Como resposta, Silvana dirixe a súa arma a Walter e mátao. Pouco despois, a culpa lévaa a cometer suicidio. Mentres as outras traballadoras marchan, homenaxéana botando arroz sobre o seu cadáver.

Personaxes

• Vittorio Gassman como Walter
• Doris Dowling como Francesca
• Silvana Mangano como Silvana
• Raf Vallone como Marco
• Checco Rissone como Aristide
• Nico Pepe como Beppe
• Adriana Sivieri como Celeste
• Lia Corelli como Amelia
• Maria Grazia Francia como Gabriella
• Dedi Ristori como Anna
• Anna Maestri como Irene
• Mariemma Bardi como Gianna
• Maria Capuzzo como Giulia
• Isabella Zennaro como Rosa
• Carlo Mazzarella como Gianetto

Véxase tamén

Bibliografía

• Gundle, Stephen, 2007. Bellissima: Feminine Beauty and the Idea of Italy. Yale University Press. ISBN 9780300123876.
• Marcus, Millicent, 1986. Italian Film in the Light of Neorealism. Princeton University Press. ISBN 9780691102085.

Ligazóns externas

• Arroz amargo na IMDb (en inglés).