Arquipélago Toscano

Arquipélago Toscano
	Localización do arquipélago
Situación
País	Italia
Provincia	Livorno e Grosseto
Arquipélago	Arquipélago Tirreno 7 illas
Mar	entre o Mar Tirreno e o Mar da Liguria
Coordenadas	42°45′N 10°18′L / 42.750, -10.300Coordenadas: 42°45′N 10°18′L / 42.750, -10.300
Xeografía
Illa de Elba 224 km²; Illa del Giglio 24 km²; Capraia 19 km²; Illa de Montecristo 13 km²;	Illa Pianosa 10 km²; Giannutri 3 km²; Illa de Gorgona 2 km²;
Punto máis alto	1.018 m. Monte Capanne
Demografía
Capital	Portoferraio (12.007 hab.)
Poboación	33.800 hab. (2009)
Lingua propia	Italiano
	v; c; e;

O Arquipélago Toscano é unha cadea de illas entre o Mar da Liguria e o Mar Tirreno, ao oeste da Toscana, Italia.

A proximidade das illas a varias cidades importantes converteunas nun lugar turístico destacado. A historia e a literatura aseguraron que a maioría da xente este familiarizada coas illas de Elba e Montecristo.

Illa	Área en km²	Poboación 1º xan. 2016^[1]
Elba	223,5	32.290
Giglio	21,21	1.442
Capraia	19,30	415
Montecristo	10,39	2
Pianosa	10,25	10
Gorgona	2,23	220
Giannutri	2,60	10
Outras	3,34	0
Total:	292´82	34.389

Xeografía[editar | editar a fonte]

O arquipélago toscano está situado entre a costa de Córsega e a costa Toscana e contén sete illas principais, Capraia, Elba, Giannutri, Giglio, Gorgona, Montecristo e Pianosa; todas as cales están protexidas como parte do Parque Nacional do Arcipelago Toscano. O arquipélago esténdese ata 166 km desde a illa máis setentrional de Gorgona ata o sur de Giannutri e 56 km desde a illa occidental de Capraia ata a costa toscana.

Hai varios illotes no arquipélago incluíndo:

Cerboli (Canle de Piombino)
Formiche di Grosseto (Grosseto)
Isola della Cappa (Giglio)
Isola Corbella (Elba)
Isola di Ortano (Elba)
Isola della Peraiola (Capraia)
Isola di Topi (Canle de Piombino)
Isole Gemini (Elba)
Isolotto della Scarpa (Pianosa)
Isolotto della Scola (Pianosa)
Palmaiola (Canle de Piombino)
Scoglietto di Portoferraio (Elba)

e arrecifes como:

Faraglione del Giglio
Formiche di Capraia (Capraia)
Formiche della Zanca (Elba)
Isola dei Liscoli (Elba)
Le Scole (Giglio)
Meloria Shoal (Livorno)
Scoglio d'Africa (Canle de Corsica)
Scoglio Forano (Pianosa)
Scoglio del Gatto (Capraia)
Scoglio della Manza (Capraia)
Scoglio dell’Ogliera (Elba)
Scoglio del Remaiolo (Elba)
Scoglio della Triglia (Elba)
Vada Shoal (Vada)

Outros illotes e arrecifes que non forman parte do arquipélago:

Argentarola (Monte Argentario)
Isolotto di Porto Ercole
Isolotto dello Sparviero
Scoglio della Focacciola

Xeoloxía[editar | editar a fonte]

Capraia ten unha orixe volcánica

O arquipélago toscano representa unha rexión de correlación entre os sistemas de Sardeña e Córsega e a península italiana. Formado por sete illas e varios illotes e arrecifes que teñen diversa procedencia xeolóxica como magmática, sedimentaria e metamórfica. A orixe do arquipélago data do Triásico segundo o tipo de rochas.

No cuaternario o arquipélago relacionouse coas flutuacións do nivel do mar debido aos períodos glacial e interglacial. Na última glaciación o nivel do mar caeu e Elba converteuse nunha península unida ao continente e Pianosa. A glaciación de Würm foi seguida por unha fase de quecemento, e o mar subiu lentamente para alcanzar o seu nivel actual.^[2]

Illas[editar | editar a fonte]

Elba[editar | editar a fonte]

Elba é unha illa mediterránea na Toscana, Italia a 10 km da cidade costeira de Piombino. A illa máis grande do arquipélago toscano, Elba tamén forma parte do Parque Nacional do Arquipélago Toscano e é a terceira illa máis grande de Italia, logo de Sicilia e Sardeña. Está situado no mar Tirreno, a 50 km ao leste da illa de Córsega.

Giglio[editar | editar a fonte]

Illa del Giglio é unha illa e concello italiana situada no mar Tirreno, na costa de Toscana, e forma parte da Provincia de Grosseto. A illa é unha das sete que forman o arquipélago toscano, que se atopa dentro do Parque Nacional do Arquipélago Toscano. "Giglio" significa "lirio" en italiano, e aínda que o nome parece coherente coa insignia da República de Florencia, provén de Aegilium, "Illa de cabras", unha transliteración latina da palabra grega para "cabra pequena" (Lingua grega antiga: Aigýllion, Αιγύλλιον).

Capraia[editar | editar a fonte]

Capraia é unha illa italiana, é a máis setentrional das sete illas do arquipélago toscano e a terceira máis grande logo de Elba e Giglio. É tamén unha "comuna" (concello) pertencente á Provincia de Livorno. A illa ten unha poboación duns 400 habitantes.

Montecristo[editar | editar a fonte]

Montecristo é unha illa no mar Tirreno e parte do arquipélago toscano. Administrativamente pertence ao municipio de Portoferraio na provincia de Livorno, Italia. A illa ten unha superficie de 10´39 km2 e ten aproximadamente 4´3 km no seu punto máis ancho. As costas son escarpadas, e teñen un perimetro de 16 km.. A illa é unha reserva natural e forma parte do Parque Nacional do Arquipélago Toscano.

Pianosa[editar | editar a fonte]

A pequena illa de Pianosa, cunha superficie de 10,25 km², ten un perímetro costeiro de 26 km. Forma parte do arquipélago toscano de Italia no mar Tirreno.

Gorgona[editar | editar a fonte]

Gorgona é a illa máis setentrional do arquipélago toscano. Entre Córsega e Livorno, esta illa diminuta é valorada pola súa fauna, especialmente aves mariñas, e o seu illamento. Esta última calidade foi a razón da fundación dunha Abadía en Gorgona na Idade Media. Logo da súa pechadura, os terreos do mosteiro e os edificios apropiáronse en 1869, para a fundación da colonia penal agrícola de Gorgona, que está actualmente en uso.

Giannutri[editar | editar a fonte]

Giannutri é unha pequena illa no Mar Tirreno, fronte á costa de Toscana, Italia. É a illa máis austral do arquipélago toscano e é unha parte da comuna da Isola de Giglio na provincia de Grosseto.

Illotes[editar | editar a fonte]

Formiche di Grosseto[editar | editar a fonte]

As Formiche di Grosseto ("formigas de Grosseto") é un grupo de illotes que emerxen agudamente no arquipélago toscano. Están localizados no mar aberto entre a costa do Parque Natural de Maremma e Pianosa, aproximadamente a 24 km de Porto Santo Stefano en Monte Argentario e 15,1 km de Marina di Grosseto. Forman parte da comuna de Grosseto e son unha reserva natural que forma parte dunha área de protección especial.

Palmaiola[editar | editar a fonte]

Palmaiola é un illote situado no medio da Canle de Piombino, a 3 km de Elba e 7 km de Piombino; É parte da comune de Rio Marina.

Arrecifes[editar | editar a fonte]

Meloria[editar | editar a fonte]

Meloria é un arrecife rochoso, rodeado por un baixío, na costa toscana, no mar da Liguria,^[3] a 5,6 km. ao noroeste de Livorno.

Scoglietto di Portoferraio[editar | editar a fonte]

Datos xerais

Localización xeográfica	Scoglietto di Portoferraio ''Sommità''
Localización municipal	Scoglietto di Portoferraio
Construción	1910
Datos técnicos
Código internacional	E-1410
Descrición	Torre cilíndrica de silleria
Altura sobre o nivel do mar	24 metros
Altura sobre o terreo	8 metros
Características	Fl (2) W 6s.
Período
Alcance	5 millas náuticas (9,3 km)

O Scoglietto di Portoferraio é un arrecife rochoso sen vexetación localizado fronte Portoferraio. É unha área mariña protexida desde 1971 e desde xaneiro de 2014 é un Sitio de Importancia Comunitaria. O arrecife ten 150 m de longo e 124 m de largo e está a 1,36 de Punta Capo Bianco e de Punta Falconaia.

Faro do Scoglietto di Portoferraio[editar | editar a fonte]

O primeiro faro histórico construíuse en 1910, logo foi reconstruído en 1945 porque resultou destruído durante a segunda guerra mundial. O faro é unha torre de pedra cadrada coa torre cilíndrica de pedra colocada nunha esquina. Ten un balcón e a lanterna está a 24 metros sobre o nivel do mar. Está completamente automatizado e operado por Marina Militar identificado polo número de código 2068 E.F. O faro é alimentado por unha unidade de enerxía solar e emite un grupo de dous flases brancos alternando nun período de seis segundos visible ata 9,3 km.^[4]

Scoglio d'Africa[editar | editar a fonte]

O Scoglio d'Africa^[5], tamén chamada Formica di Monte Cristo ("formiga de Monte Cristo"), é un pequeno arrecife solitario pertencente ao arquipélago toscano situado en mar aberto entre o mar Tirreno e a canle de Córsega. Está situado a 18,5 km ao oeste da illa de Montecristo, 23,5 km ao sur da illa de Pianosa e a 43,1 km ao leste de Córsega. Administrativamente pertence ao concello de Campo nell'Elba. Tamén forma parte do Parque Nacional do Arquipélago Toscano.