Katherine Schwarzenegger, Patrick Schwarzenegger, Joseph Baena, Christina Schwarzenegger e Christopher Schwarzenegger
Profesión
actor, político, produtor de cinema, actor de cinema, director de cinema, gastrónomo, soldado, emprendedor, fisiculturista, autobiógrafo, empresario, axente inmobiliario, powerlifter, realizador e produtor
Schwarzenegger comezou un adestramento de musculación con 15 anos. Gañou o título de Mr. Universe con 20 anos e gañou o Mr. Olympia sete veces. Schwarzenegger ficou como unha figura importante do culturismo e escribiu varios libros e artigos sobre esta práctica. Schwarzenegger acadou a fama internacional como unha icona dos filmes de acción de Hollywood. O seu primeiro grande éxito foi o filme épico Conan o bárbaro en 1982, cuxa recadación motivou unha secuela.[1] En 1984, apareceu no filme de ciencia ficción de James CameronTerminator, que foi un grande éxito de recadación e de crítica. Schwarzenegger retomou o papel de Terminator nos seguintes filmes da franquía en 1991, 2003, 2015 e 2019.[1][2][3][4] Apareceu en gran número de filmes, como Commando (1985), The Running Man (1987), Predator (1987), Twins (1988), Total Recall (1990), Kindergarten Cop (1990) e True Lies (1994). Nos seus tempos de culturista era alcumado "Austrian Oak" (carballo austríaco) ou "Styrian Oak" (carballo de Estiria), "Arnie" na industria do cine, e "The Governator" cando comezou a facer carreira política.[5]
Está casado con Maria Shriver, sobriña de John F. Kennedy, que forma parte do máis prestante clan demócrata do país a pesar de que Schwarzenegger pertence ao partido republicano, en representación do cal foi elixido Gobernador do estado de California en 2003 e reelixido en 2006.