Arias Muñiz
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xaneiro de 2016.) |
Arias Muñiz (Aria Munincide) foi un personaxe político e relixioso da Idade Media galega. Aparece citado en fontes coma a Historia Compostelá, que o describe coma un habitual axitador político de Compostela, lanzando arengas tanto dirixidas ao pobo coma ao clero, chegando a provocar un levantamento popular contra o arcebispo Diego Xelmírez, polo cal foi tachado de conspirador e traidor pola Igrexa.
A revolta de Carnota[editar | editar a fonte]
Arias Muñiz foi o protagonista tamén da revolta de Carnota, un episodio bélico narrado na Historia Compostelá durante o cal o propio arcediago sufriu unha emboscada polo pobo insurrecto, quen o descabalgou, desposuiu das súas monturas e riquezas e apreixou no Castelo de San Xurxo, no monte Pindo. Só foi liberado despois da intermediación de Diego Xelmírez, quen anatemizou ao conde Rodrigo Pérez de Traba, nobre e tenente do castelo a quen acusaba da insurrección, e excomungou o monte Pindo, onde mandou gravar unha inscrición que aínda pode lerse.
A consecuencia da resposta do arcebispo, Rodrigo Pérez de Traba prometeu liberar ao arcediago, restituilo en todos os seus bens e capturar e entregar á Igrexa ao pobo e nobreza que participara na acción.