O arao xigante (Pinguinus impennis) foi unha especie de ave non voadora da familia dos álcidos que se extinguiu a mediados do século XIX. Era a única especie moderna do xéneroPinguinus (non relacionados cos pingüíns, malia que foi a primeira ave en ser chamada pingüín). Aniñaba só en illas illadas e rochosas con fácil acceso ó océano e con moita comida, unha rareza na natureza que facía que tiveran moi poucos lugares de cría. Fóra da época de cría, os araos vivían nas augas do Atlántico norte, cunha área de distribución que abranguía dende o norte de España até as costas do Canadá, Groenlandia, Islandia, as Illas Feroe, Noruega, Irlanda e o Reino Unido.
_specimen,_Kelvingrove,_Glasgow_-_geograph.org.uk_-_1108249.jpg?lang=gl)
