App Store (iOS)

Na Galipedia, a Wikipedia en galego.
App Store
Publicación inicial2008
Sistema operativoiOS
Plataforma/sTienda de software
Sitio webwww.apple.com/es/itunes

A App Store é un servizo para o iPhone, iPod Touch, e o iPad, creado por Apple Inc, que permite aos usuarios buscar e descargar aplicacións, desenvolvidas co iOS SDK e publicadas por Apple. Estas aplicacións están dispoñibles para ser compradas ou gratuítas, dependendo de cada unha. As aplicacións poden ser descargadas directamente ao iPhone o ao iPod Touch por medio dunha aplicación do mesmo nome.

Apple outorga o 70 % dos ingresos da tenda directamente ao vendedor da aplicación e o 30 % corresponde a Apple.[1] En 2017, Apple dixo que os desenvolvedores facturaran máis de 70 mil millóns de dólares a través da App Store[2].

O primeiro iPhone non tiña soporte para instalar apps adicionais ao que xa tiña, Apple recomendaba usar sitios web con HTML5 que utilizaría almacenamento local para suplir esta función.

Non obstante a empresa cambiou de parecer ao anunciar un kit de desenvolvemento antes do 10 de xullo de 2008 o cal foi a inauguración da App Store dentro de iTunes. As 500 aplicacións iniciais descargábanse de aí para seren transferidas ao iPhone; non obstante, a versión 2.0 do software do iPhone e o iPod Touch compatible coa nova tenda aínda non estaba dispoñible para ser descargada desde Apple Software Update, o que provocou que as aplicacións non puidesen ser instaladas. A versión 2.0 do iPhone OS foi lanzada o 11 de xullo de 2008 e as aplicacións xa puideron ser descargadas directamente dos dispositivos[3]. Para o 8 de xuño de 2009, xa existían máis de 50 000 aplicacións de terceiros oficialmente dispoñibles para o iPhone e o iPod Touch en App Store[4]. En menos dun ano desde o seu lanzamento, App Store superou os 25 mil millóns de descargas de aplicacións.

iOS SDK[editar | editar a fonte]

Jobs anunciou en outubro de 2007 que Apple tería un kit de desenvolvemento de software dispoñible para os desenvolvedores en febreiro de 2008. O SDK foi lanzado o 6 de marzo de 2008. O SDK permite aos desenvolvedores (que utilicen Mac OS X 10.5.4 o superior) crear aplicacións usando Xcode que correrán nativamente no iPhone e no iPod Touch. Unha versión beta foi lanzada despois do evento e a versión final foi publicada en xullo de 2008 xunto co iPhone 3G[5]. Este evento, acompañado cun gran programa de distribución para terceiras persoas, convereteuse máis tarde no Programa de Desenvolvedores de iPhone que ofrece actualmente catro liñas de distribución para os desenvolvedores:

  • iOS Developer Program
  • iOS Enterprise Program
  • iOS University Program
  • Mac Developer Program

As aplicacións distribuídas por medio do programa Developer poden ser vendidas unicamente a través da iTunes Store para Mac o para Windows, ou ben na App Store para iPhone ou iPod Touch. Os desenvolvedores que publiquen as súas aplicacións na App Store reciben o 70 % dos ingresos por vendas e non deben pagar ningún custo de distribución para a súa aplicación; non obstante, requírese pagar unha taxa de 99 dólares para utilizar o iPhone SDK e subir aplicacións á tenda.

En cambio, as aplicacións distribuídas por medio do programa de empresas Enterprise son exclusivamente para uso institucional, o que permite que grandes corporacións e axencias gobernamentais desenvolvan aplicacións propietarias que non sexan para uso público. Este programa xera no iTunes unha especie de "minitenda" só accesible polos usuarios corporativos. Ten un custo de 299 dólares anuais.

Para que unha aplicación funcione no iPhone, necesita estar rexistrada, certificado que só pode ser concedido por Apple, despois que o desenvolvedor teña creado o software por medio do paquete estándar (99 dólares anuais) o do paquete de empresas (299 dólares por ano) e do SDK.

Aplicacións[editar | editar a fonte]

O 10 de xullo de 2008, o Director executivo de Apple, Steve Jobs declarou a USA Today que a App Store contiña 500 aplicacións de terceiros para iPhone e iPod Touch, das cales 125 eran gratuítas. Estas aplicacións de terceiros variaban desde aplicacións para negocios, xogos, entretemento, educativas e moitas máis. Para o 11 de xullo de 2008, os usuarios podían comprar aplicacións da App Store e transferilas ao iPhone ou ao iPod Touch coa actualización de software PhoneOS 2.0 que estivo dispoñible a través de iTunes ese mesmo día. A primeira fin de semana foron descargadas 10 millóns de aplicacións[6].

O 16 de xaneiro de 2009, Apple anunciou na súa páxina web que xa foran descargadas 500 millóns de aplicacións[7]. O 23 de abril de 2009, un neno de 13 anos de idade, Connor Mulcahey, de Weston, Connecticut, alcanzou a cifra de mil millóns de aplicacións descargadas[8]. O 22 de xaneiro de 2011 descargouse a aplicación número dez mil millóns. Pouco máis dun ano despois, o 3 de marzo de 2012, descargouse a aplicación 25 mil millóns.

En 2016, o CEO de Apple, Tim Cook, anunciou que existen 2 000 000 aplicacións dispoñibles para dispositivos con iOS.

Clasificación de aplicacións[editar | editar a fonte]

Apple clasifica as aplicacións sobre a base do seu contido, e para cada unha determina para que grupo de idade é apropiada. Segundo o evento de lanzamento do iPhone OS 3.0, o iPhone permitirá bloquear as aplicacións desagradables nas opcións deste. A continuación lístanse as categorías de clasificación de Apple:

Clasificación Descrición
4+ Non contén material desagradable.
9+ Pode conter situacións leves ou infrecuentes da violencia realista, fantástica ou en debuxos animados, e contido suxestivo, maduro ou de terror que pode non ser apropiado para menores de 9 anos.
12+ Pode conter linguaxe non apropiada leve ou infrecuente, violencia realista, fantástica o en debuxos animados frecuente, e contido maduro ou suxestivo leve ou non frecuente, e xogos de azar simulados que poden non ser apropiados para menores de 12 anos.
17+ Pode incluír contido maduro, suxestivo ou de terror intenso e frecuente; máis contido sexual ou de xente espida, alcohol, tabaco e drogas que pode non ser apropiado para menores de 17 anos. Os consumidores deben ter canto menos 17 anos para comprar aplicacións con esta clasificación. Sempre que unha aplicación con esta clasificación sexa descargada, mostrarase unha mensaxe preguntando se o usuario ten 17 anos ou máis.

Notas[editar | editar a fonte]

  1. ↑ ""Análise: hai un gran futuro nas aplicacións de iPhone".". VentureBeat (en inglés). 11 de xuño de 2008. Consultado o 3 de xullo de 2020. 
  2. ↑ "Apple aproba 70 billóns de dólares en pagos para desenvolvedores de aplicacións, liderados por xogos e entretemento.". Tech Crunch (en inglés). 1 de xuño de 2017. Consultado o 3 de xullo de 2020. 
  3. ↑ "Apple presenta mapa cara a iPhone 2.0 (2008)". FayerWayer (en español). 10 de marzo de 2008. Consultado o 3 de xullo de 2020. 
  4. ↑ "App Store: 25 000 aplicacións, 800 millións de descargas.". VentureBeat (en inglés). 17 de marzo de 2009. Consultado o 3 de xullo de 2020. 
  5. ↑ "Apple anuncia a versión beta do software iPhone 2.0.". Apple (en inglés). Arquivado dende o orixinal o 22 de maio de 2011. 
  6. ↑ "App Store 10 millones de aplicacións no primeiro fin de semana." (en inglés). 14 de xullo de 2008. Arquivado dende o orixinal o 10 de maio de 2011. 
  7. ↑ "App Store supera os 500 millóns de descargas.". The Register (en inglés). 16 de xaneiro de 2009. Consultado o 3 de xullo de 2020. 
  8. ↑ "Más de mil millones de descargas en solo nove meses.". Apple (en inglés). Archived from the original on 24 de setembro de 2010. Consultado o 3 de xullo de 2020. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]

Traído desde «https://gl.wikipedia.org/w/index.php?title=App_Store_(iOS)&oldid=6402016»