Apolonio Díscolo

Apolonio Díscolo
	;
Biografía
Nacemento	século II ; Alexandría
Morte	século II ; Alexandría
Actividade
Ocupación	gramático
Período de tempo	Período helenístico
Período de actividade	(Con vida en: século II )
Lingua	Grego antigo
Obra
	Obras destacables On syntax (en) ;
Familia
Fillos	Élio Herodiano (pt)

Apolonio Díscolo (gr. Ἀπολλώνιος ὁ δύσκολος, «Apolonio o difícil»), foi un lingüista grego do século II. É considerado o fundador do estudo metódico da gramática, ao ser autor de varios tratados que dotaron por primeira vez á gramática grega dunha base científica. Prisciano chamouno grammaticorum princeps ("príncipe dos gramáticos")^[1].

Traxectoria[editar | editar a fonte]

Viviu en Alexandría en condicións de extrema pobreza e escribiu numerosas obras, das cales só se conservan catro: o tratado Sobre a Sintaxe^[2] e os breves ensaios titulados Sobre os Pronomes, Sobre a Conxunción e Sobre os Adverbios.

Este Apolonio, que se gañou o sobrenome de dýskolos («difícil») polo conciso e denso das súas explicacións, foi o máis importante tratadista de sintaxe na tradición filolóxica antiga. Só a Tékhnē grammatiké (Τέχνη Γραμματική) de Dionisio Tracio (século -I) rivalizou en prestixio con esta Sintaxe. Pero son dúas obras de distinto nivel e estilo. A obra de Apolonio é un tratado sintáctico de estudo amplo, crítico, e bastante persoal, sobre os conceptos fundamentais da construción gramatical. Que é a oración, as súas partes, as funcións dos pronomes, os significados das formas verbais e outros temas sintácticos, son estudados aquí a fondo, con moitos exemplos, en boa medida homéricos, de acordo co labor filolóxico habitual nos círculos alexandrinos. Apolonio ten indicios de sorprendente modernidade, ademais de recoller e criticar a tradición anterior. O gramático Prisciano, baseouse para os seus textos nos escritos de Apolonio.

A súa obra raramente se traduciu a outros idiomas (só unha vez ao alemán, ao inglés e ao francés). En español, a única edición traducida, con introdución e comentario podémola atopar na Editorial Gredos.

Notas[editar | editar a fonte]

↑ Chisholm, Hugh, ed. (1911). "Apollonius (the Surly)". Encyclopædia Britannica 2 (11th ed.). Cambridge University Press.
↑ Apollonius Dyscole, De la construction (syntaxe), vol. 1: Introduction, texte et traduction par Jean Lallot, Paris: Librairie philosophique J. VRIN 1997.

Véxase tamén[editar | editar a fonte]

Bibliografía[editar | editar a fonte]

Apolonio Díscolo. Sintaxis. Madrid: Editorial Gredos. ISBN 978-84-249-1081-5. (en castelán)

[1] Chisholm, Hugh, ed. (1911). "Apollonius (the Surly)". Encyclopædia Britannica 2 (11th ed.). Cambridge University Press.

[2] Apollonius Dyscole, De la construction (syntaxe), vol. 1: Introduction, texte et traduction par Jean Lallot, Paris: Librairie philosophique J. VRIN 1997.

[1]

[2]