Anxo Quintela

Anxo Quintela

Biografía
Nacemento	21 de decembro de 1960 (63 anos) Castrelos, España
Datos persoais
País de nacionalidade	España
Actividade
Ocupación	xornalista , escritor
Lingua	Lingua castelá
Premios (2019)  Premio Nacional de Xornalismo Cultural de España (1982)  Premio Esquío de poesía

Anxo Quintela González, nado en Castrelos (Vigo) o 21 de decembro de 1960, é un escritor e xornalista galego.

Traxectoria

Licenciado en Filosofía, foi Premio Castelao de poesía en 1978. En 1982 conseguiu o Premio Esquío pola obra A sombra dos pavillóns, publicado no ano seguinte. Os seus poemas tamén apareceron nas revistas Dorna, Revista das letras, Grial e Horas de papel.

Traballou como xornalista en Vídeo Voz e na TVG, onde foi presentador de diversos espazos, entre eles, os informativos. Foi tamén redactor xefe da revista Agrocultura. Entre 2003 e 2006 dirixiu o xornal electrónico Vieiros. Traballou no programa Diario Cultural da Radio Galega.

Obras

Poesía

• Á sombra dos pavillóns, 1983, Sociedade de Cultura Valle-Inclán.
• O asasino estrábico, 1996, Xerais.

Traducións

• Afinidades culturais Galicia-Irlanda de Elisabeth Frances Keating, 1990, Galaxia.
• A casa da madriña de Lygia Bojunga Nunes, 1990, Galaxia.

Obras colectivas

• Escolma de poesía galega (1976-1984), 1984, Sotelo Blanco.
• Chineses, 1996, O Correo Galego.

Proxectos artísticos

• A voz e o poema. Os periplos de Avilés de Taramancos con Ana Romaní.

Premios

• Premio Esquío de poesía no 1982, por Á sombra dos pavillóns.
• Premio Nacional de Xornalismo Cultural de España no 2019.

Véxase tamén

Ligazóns externas

• Ficha do autor en Xerais^{[Ligazón morta]}