Anunciación (Leonardo, Uffizi)
| A Anunciación | |
|---|---|
_(cropped).jpg) | |
| Artista | Leonardo da Vinci |
| Data | 1472-1475 |
| Técnica | Pintura ao óleo |
| Dimensións | 98,4 cm × 217 cm |
| Localización | Galería Uffizi, Florencia,  Italia |
A Anunciación (Annunciazione, en italiano) é un óleo sobre panel de Leonardo da Vinci, pintado entre 1472 e 1475, cunhas medidas de 98,4 × 217 cm.
Representa o arcanxo Gabriel no momento que anunciaba a María que fora escollida polo Señor para ser a nai de Xesús, de acordo co evanxeo de Lucas 1:26.
A obra permaneceu oculta até 1867, cando foi transferida desde un convento próximo a Florencia á Galería Uffizi, tamén en Florencia.
Desde entón, algúns investigadores mostraron a pintura como o primeiro traballo de Leonardo da Vinci, pero outros atribúena a outros pintores, como Ghirlandaio ou Verrocchio.
As ás do anxo foron pintadas con precisión naturalista, un exemplo da curiosidade científica típica da carreira de Leonardo. Usou o seu coñecemento sobre as ás dos paxaros para facer as do anxo. No primeiro plano, o pintor representa un tipo de tapete en flor no que todas as flores foron pintadas con precisión.
Préstamo[editar | editar a fonte]
O 13 de marzo de 2007 foi prestado ao Museo Nacional do Xapón, onde ficou até o 17 de xuño de 2007.
Véxase tamén[editar | editar a fonte]
- A Anunciación (Segunda versión, pintada por Leonardo da Vinci e Lorenzo di Credi)
- Cadros de Leonardo da Vinci
