Antonio Serrat
  | |
| Biografía | |
|---|---|
| Nacemento | 24 de xaneiro de 1995 (29 anos) Vigo, España |
| Actividade | |
| Ocupación | triatleta |
| Deporte | tríatlon |
Antonio Serrat Seoane, nado en Vigo o 24 de xaneiro de 1995, é un triatleta galego. Gañou a medalla de bronce no Campionato Europeo de Tríatlon de 2021 e a de prata no Campionato Europeo de Tríatlon de Velocidade do mesmo ano, e competiu nos Xogos Olímpicos de 2024.
Traxectoria
[editar | editar a fonte]Categorías inferiores
[editar | editar a fonte]Comezou a destacar no tríatlon e no dúatlon dende neno. Así, en 2009 proclamouse campión galego infantil de tríatlon,[1] en 2011 campión galego cadete de dúatlon e subcampión de España cadete de tríatlon, e en 2013 campión galego júnior de tríatlon e subcampión de España júnior de dúatlon.[2][3][4]
Ademais comezou a competir internacionalmente en categorías inferiores e no 2014 proclamouse en Pontevedra campión do mundo de relevos mixtos e subcampión do mundo de dúatlon (por detrás de Jacob Birtwhistle e por diante de Gustav Iden,[5][6] en ambos casos na categoría júnior, nun ano no que foi ademais subcampión de España e de Europa júnior de tríatlon (só superado no certame europeo polo francés Raphaël Montoya).[7][8][9]
Categoría absoluta
[editar | editar a fonte]Tamén en 2014 disputou as súas primeiras competicións internacionais en categoría absoluta e no 2015 quedou segundo nunha proba da Copa de Europa disputada en Melilla, por detrás de Gordon Benson e por diante de Uxío Abuín.[10][11] En 2016 quedou de novo segundo noutra proba da Copa de Europa, esta vez en Madrid, onde foi superado só polo noruegués Kristian Blummenfelt, futuro campión olímpico, e onde logrou quedar por diante de nomes como Uxío Abuín, Gustav Iden ou Iván Raña.[12] Ademais foi campión de Galicia de campo a través sub-23 en 2015, 2016 e 2017.[13]
No ano 2017 conseguiu subir ao podio por primeira vez nunha proba da Copa do Mundo. Foi na cidade chinesa de Weihai, onde rematou terceiro por detŕas de Abuín e Rodrigo González.[14] Ao ano seginte disputou os Xogos Mediterráneos en Tarragona, onde conseguiu a medalla de prata, sendo o ouro para o portugués João José Pereira.[15] Ese mesmo ano proclamouse campión galego de tríatlon de velocidade e volveu subir ao podio na Copa do Mundo en Weihai, onde quedou segundo por detrás de Gustav Iden e por diante do futuro campión olímpico e do mundo Alex Yee.[16][17] En 2019 proclamouse campión de Galicia absoluto de campo a través, despois dunha dura loita con Manuel Hurtado.[18]
No 2020 proclamouse subcampión de España de tríatlon de velocidade, só por detrás de Fernando Alarza,[19] e ao ano seguinte quedou tamén segundo no Campionato Europeo da mesma modalidade en Kitzbühel, onde acabou a seis segundos do campión, o suízo Max Studer.[20] En xuño de 2021 foi elixido pola Federación Española como suplente dos tres triatletas seleccionados para representar a España nos Xogos Olímpicos de Toquio: Javier Gómez Noya, Mario Mola e Fernando Alarza.[21] En setembro participou no Campionato Europeo de Tríatlon en Valencia, conseguindo o terceiro posto, só por detrás de Dorian Coninx e Roberto Sánchez Mantecón.[22]
En París 2024 converteuse no terceiro triatleta galego en participar nuns Xogos Olímpicos, despois de Iván Raña, Xavier Gómez Noya e Pilar Hidalgo. Tralo adiamento da proba masculina de tríatlon pola mala calidade da auga do río Sena, esta disputouse finalmente o 31 de xullo.[23] A mala actuación de Serrat no sector de natación lastrou o resto da súa proba, e aínda que remontou posicións na bicicleta e na carreira a pé, só puido chegar á meta na 32ª posición, a máis de cinco minutos do vencedor, o británico Alex Yee.[24] Seis días despois disputou tamén a proba de remudas mixtas, xunto a Alberto González, Anna Godoy e Míriam Casillas. O equipo rematou noveno despois de dúas penalizacións.[25]
Palmarés internacional
[editar | editar a fonte]| Campionato Europeo | |||
|---|---|---|---|
| Ano | Lugar | Medalla | Proba |
| 2021 |  Valencia
|
 Bronce
|
Individual |
| Campionato Europeo | |||
|---|---|---|---|
| Ano | Lugar | Medalla | Proba |
| 2021 |  Kitzbühel
|
 Prata
|
Individual |
| Xogos Mediterráneos | |||
| Ano | Lugar | Medalla | Proba |
| 2018 | Tarragona
|
Prata
|
Individual |
Notas
[editar | editar a fonte]- ↑ "Los favoritos no fallan en el autonómico alevín, infantil y cadete". La Voz de Galicia (en castelán). 19 de xullo de 2009. Consultado o 3 de agosto de 2021.
- ↑ "Jornada de medallas en Samil". La Voz de Galicia (en castelán). 18 de setembro de 2011. Consultado o 3 de agosto de 2021.
- ↑ "Clasificacións tríatlon Galicia 2012" (PDF). Federación Galega de Tríatlon. Consultado o 3 de agosto de 2021.
- ↑ "Triunfos para Laura Gómez y Antonio Benito" (en castelán). 27 de abril de 2013. Consultado o 3 de agosto de 2021.
- ↑ "Campionato do mundo de remudas mixtas 2014". triathlon.org (en inglés). Consultado o 3 de agosto de 2021.
- ↑ "Campionato do mundo de dúatlon júnior 2014". triathlon.org (en inglés). Consultado o 3 de agosto de 2021.
- ↑ "Campionato de España júnior de tríatlon". triathlon.org (en inglés). Consultado o 3 de agosto de 2021.
- ↑ "Campionato de Europa júnior de tríatlon". triathlon.org (en inglés). Consultado o 3 de agosto de 2021.
- ↑ "Alistair se reivindica con el título de campeón de Europa, Chente bronce, Alarza cuarto y Serrat plata en junior." (en castelán). 21 de xuño de 2014. Consultado o 3 de agosto de 2021.
- ↑ "Copa de Europa Melilla 2015". triathlon.org (en inglés). Consultado o 3 de agosto de 2021.
- ↑ "PRATA PARA ANTONIO SERRAT E BRONCE DE UXÍO ABUÍN, NA COPA DE EUROPA DE TRÍATLON DE MELILLA". 19 de abril de 2015. Consultado o 3 de agosto de 2021.
- ↑ "Antonio Serrat subcampeón en la copa de Europa de Triatlón de Madrid" (en castelán). 2 de maio de 2016. Arquivado dende o orixinal o 03 de agosto de 2021. Consultado o 3 de agosto de 2021.
- ↑ "Campións de Galicia de campo a través sub-23" (PDF). Federación Galega de Atletismo. Consultado o 27 de agosto de 2021.
- ↑ "Uxío Abuín conquista el oro en la Copa del Mundo de Weihai". El Correo Gallego (en castelán). 30 de setembro de 2017. Consultado o 3 de agosto de 2021.
- ↑ "Serrat y Benito, plata y bronce en el triatlón masculino de los Juegos" (en castelán). 23 de xuño de 2018. Consultado o 3 de agosto de 2021.
- ↑ "Serrat, rey de Galicia" (en castelán). 20 de agosto de 2018. Consultado o 3 de agosto de 2021.
- ↑ "ANTONIO SERRAT, SUBCAMPIÓN NA COPA DO MUNDO DE WEIHAI". 22 de setembro de 2018. Consultado o 3 de agosto de 2021.
- ↑ "Antonio Serrat, un triatleta que manda en el cros". La Voz de Galicia (en castelán). 3 de febreiro de 2019. Consultado o 27 de agosto de 2021.
- ↑ "Fernando Alarza, campeón de España de triatlón sprint 2020". Mundo Deportivo (en castelán). 23 de agosto de 2020. Consultado o 3 de agosto de 2021.
- ↑ "Serrat, subcampeón europeo en sprint". Faro de Vigo (en castelán). 20 de xuño de 2021. Consultado o 3 de agosto de 2021.
- ↑ "Serrat, el buen suplente de lujo" (en castelán). 22 de xuño de 2021. Consultado o 3 de agosto de 2021.
- ↑ "Roberto Sánchez y Antonio Serrat brillan en el Europeo de Valencia". Marca (en castelán). 25 de setembro de 2021. Consultado o 29 de setembro de 2021.
- ↑ "Antonio Serrat queda 32º na proba de tríatlon". Televisión de Galicia. 31 de xullo de 2024. Consultado o 31 de xullo de 2024.
- ↑ "El gallego Antonio Serrat, trigésimo segundo en el triatlón olímpico". La Voz de Galicia (en castelán). 31 de xullo de 2024. Consultado o 31 de xullo de 2024.
- ↑ "España, al borde del diploma olímpico en el relevo mixto de triatlón" (en castelán). 5 de agosto de 2024. Consultado o 6 de agosto de 2024.
Véxase tamén
[editar | editar a fonte]Ligazóns externas
[editar | editar a fonte]- Datos do triatleta no sitio web oficial da Unión Internacional de Tríatlon (en inglés).
