Antonio Fernández Angueira

Na Galipedia, a Wikipedia en galego.
Antonio Fernández Angueira
Nacemento4 de xullo de 1975
Lugar de nacementoA Ponte
NacionalidadeEspaña
Ocupaciónavogado e político
editar datos en Wikidata ]

Antonio Fernández Angueira, nado na Ponte (Iria Flavia, Padrón) o 4 de xullo de 1975, é un avogado e político galego do PPdeG.

Traxectoria[editar | editar a fonte]

Avogado de profesión, especializado en Dereito tributario e financeiro, abriu o seu primeiro despacho no Milladoiro en 2003, e posteriormente outros bufetes con outros socios en Padrón e A Estrada. Nas eleccións municipais de 2007 foi candidato na lista do PPdeG de Padrón encabezada por Jesús Villamor Calvo e foi elixido concelleiro, sendo o portavoz na oposición. Nas municipais de 2011 encabezou a candidatura do PPdeG e foi elixido alcalde como cabeza da lista máis votada. En xuño de 2012 estableceu un pacto de goberno cos concelleiros do Partido Galeguista, ata que estes racharon o pacto en marzo de 2014, polo que volveu gobernar en minoría. Nas eleccións municipais de 2015 volveu ser elixido alcalde como cabeza da lista máis votada e gobernou en minoría ata marzo de 2017, cando volveu establecer un pacto de goberno cos concelleiros do Partido Galeguista.

En decembro de 2017 os membros do PG inetgráronse no PPdeG[1], polo que concurriron xuntos baixo as siglas populares nas municipais de 2019 e volveu a acadar a alcaldía[2], nesta ocasión con maioría absoluta. Nas municipais de 2023 foi derrotado polo PSdeG e perdeu a alcaldía en favor do candidato socialista Anxo Arca.


Predecesor:
Camilo Forján Seoane
 
Alcalde de Padrón
 
2011 - 2023
Sucesor:
Anxo Arca

Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]