Antonio Casas
  | |
| Biografía | |
|---|---|
| Nacemento | 11 de novembro de 1911 A Coruña, España |
| Morte | 14 de febreiro de 1982 (70 anos) Madrid, España |
| Datos persoais | |
| País de nacionalidade | España |
| Actividade | |
| Ocupación | actor de cinema , futbolista |
| Xénero artístico | Wéstern |
| Lingua | Lingua castelá |
| Deporte | fútbol |
   | |
Antonio Casas Barros, nado na Coruña o 11 de novembro de 1911 e finado en Madrid o 14 de febreiro de 1982, foi un actor galego.[1]
Traballou en teatro, cine e televisión e foi un dos actores secundarios españois máis prolíferos, aparecendo en máis de 150 filmes de varios países e en multitude de series.
Traxectoria[editar | editar a fonte]
Nacido no Campo da Leña da Coruña, deixou a cidade aos 10 anos, rumbo a Santander.[2] Alí realizou estudos de Mariña mercante e en 1941 recalou casualmente no cine cun papel secundario na película Unos pasos de mujer, de Eusebio Fernández Ardavín. En 1945 iniciouse no teatro da man de María Fernanda Ladrón de Guevara.
A súa versatilidade sobre as táboas permitiulle interpretar obras de Luigi Pirandello ou Agatha Christie, destacando en montaxes como La enemiga; Una gallega en Nueva York; En la red, de Alfonso Sastre, con dirección de Juan Antonio Bardem e El abogado del diablo, en versión libre de José María Pemán.
No cine converteuse nun sólido actor secundario ao longo das décadas de 1940 e 1950, con títulos como Fuenteovejuna, de Antonio Román; La leona de Castilla e Alba de América, de Juan de Orduña ou El ruiseñor de las cumbres, de Antonio del Amo. Durante a década de 1960 participou en numerosos Spaguetti western, lembrándose o seu traballo en Una pistola per Ringo e Il ritorno di ringo, de Duccio Tessari e sobre todo en O bo, o feo e o malo, de Sergio Leone.
En 1963 conseguiu o Premio do Sindicato Nacional do Espectáculo polo seu papel principal en Nunca pasa nada, de J. A. Bardem, onde encarnou un médico de provincias na disxuntiva de deixarse seducir por unha alegre corista francesa ou seguir agonizando na rutina familiar. A súa ampla filmografía inclúe os títulos Fata Morgana, de Vicente Aranda; Nueve cartas a Berta, de Basilio Martín Patino; Tristana, de Luis Buñuel e Nadie oyó gritar, de Eloy de la Iglesia, entre outras.
Para a televisión interveu con asiduidade en espazos como Estudio 1 e Novela, e nos seus últimos anos nas series Cervantes e La máscara negra.[3]
Filmografía[editar | editar a fonte]
Cine[editar | editar a fonte]
Televisión[editar | editar a fonte]
| Ano | Título | Papel | Notas |
|---|---|---|---|
| 1962 | Primera fila | Pedro | 4 episodios: "Fedra", "La casa de la noche", "La Navidad en la plaza" e "La herida luminosa" |
| 1963 | Estudio 3 | 1 episodio: "Lo mejor de lo mejor" | |
| 1964 | Teatro de familia | 2 episodios: "La Muerte del Hombre" e "Los extraños" | |
| 1964 | Confidencias | 1 episodio: "La libertad" | |
| 1964 | Tras la puerta cerrada | 2 episodios: "El último reloj" e "Comedia para asesinos" | |
| 1964 | Novela | 11 episodios. | |
| 1966 | Historias para no dormir | 1 episodio: "El tonel" | |
| 1966 | Tiempo y hora | 1 episodio: "Mujeres" | |
| 1967 | Estudio 1 | 6 episodios | |
| 1967 | Dichoso mundo | 1 episodio: "El niño que vino de París" | |
| 1968 | Cristóbal Colón | 1 episodio | |
| 1971 | Teatro de siempre | 1 episodio: "Miedo de mí" | |
| 1971 | Visto para sentencia | 1 episodio: "Los zapatos de Cenicienta" | |
| 1971 | Sospecha | 4 episodios: "El cebo", "Laberinto mortal", "El coleccionista de sellos" e "La testigo" | |
| 1971 | Las doce caras de Eva | 1 episodio: "Tauro" | |
| 1971 | Ficciones | 5 episodios: "La cruz del diablo", "La sala número 6", "El Juez Harbottle", "Katrina" e "El retrato del diablo" | |
| 1972 | Crónicas de un pueblo | Carlos | 1 episodio: "La peseta del Dionisio" |
| 1972 | Stop | Ortega | |
| 1974 | Los libros | 1 episodio: "En la vida y en la muerte" | |
| 1974 | El pícaro | Gran Duque | 1 episodio: "En el que se narran los dolores y pesadumbres que le vinieron a Lucas durante las fiestas y alegrías de un carnaval" |
| 1974 | Sergeant Berry | William | 2 episodios: "... und der Serienheld" e "... und das Violinsolo" |
| 1975 | El teatro | Ordenancio | 1 episodio: "La oficina" |
| 1976 | Teatro Club | Tomás Hearne | 1 episodio: "El unicornio de las estrellas" |
| 1976 | Paisaje con figuras | El Marqués de Santillana | 1 episodio: "El Marqués de Santillana" |
| 1977 | Curro Jiménez | 1 episodio: "El secuestro" | |
| 1979 | Escrito en América | 1 episodio: "Cadáveres para la publicidad" | |
| 1981 | Cervantes | Don Antonio de Sosa | 2 episodios |
| 1982 | La máscara negra | Gonzalo Pascual | 5 episodios |
Notas[editar | editar a fonte]
- ↑ "Figura del cine español: Antonio Casas". La Vanguardia (en castelán). 15 de setembro de 1963. Consultado o 21 de agosto de 2018.
- ↑ "5 minutos de charla con Antonio Casas". La Voz de Galicia (en castelán). 16 de setembro de 1954. p. 8.
- ↑ "La discreta desaparición del actor Antonio Casas". El País (en castelán). 6 de marzo de 1982. Consultado o 21 de agosto de 2018.
Véxase tamén[editar | editar a fonte]
 |
A Galipedia ten un portal sobre: Cine |
Ligazóns externas[editar | editar a fonte]
- Ficha de Antonio Casas en IMDb (en inglés).
