Antonio Agustín

Antonio Agustín
Retrato de Antonio Agustín (1791)
Nacemento	26 de febreiro de 1517
	Zaragoza
Falecemento	31 de maio de 1586
	Tarragona
Nacionalidade	Coroa de Aragón
Relixión	Igrexa católica
Alma máter	Universidade de Salamanca e Universidade de Alcalá
Ocupación	Auditor do tribunal romano da Rota. Bispo de Alife e Lleida, e arcebispo de Tarragona.
Pai	Antoni Agustí y Siscar
Irmáns	Jeroni Agustí
[ editar datos en Wikidata ]

Antonio Agustín Albanell, nado en Zaragoza o 26 de febreiro de 1517, e finado en Tarragona o 31 de maio de 1586, foi un eclesiástico e humanista aragonés.

Traxectoria

Estudoso do dereito e as humanidades, proveniente dunha familia que ocupou importantes postos na administración pública e na carreira eclesiástica, o seu cursus honorum comezou no eido civil e rematou no eclesiástico. Foi auditor do Tribunal da Rota Romana, nuncio do Papa en Inglaterra e no Sacro Imperio, participou no Concilio de Trento, e foi sucesivamente bispo de Alife, de Lleida e arcebispo de Tarragona.

Especialista en historia do dereito, tanto civil coma eclesiástico, con importantes achegas na tarefa de fixar os textos orixinais, destacou na historia do dereito canónico, onde os seus estudos foron moi valorados no seu tempo. Foi dos primeiros estudosos en considerar a numismática e a epigrafía como auxiliares da historia. Para realizar as edicións críticas das compilacións de dereito civil romano e dereito eclesiástico, formou unha importante colección de manuscritos, tanto gregos como latinos, converténdose nun destacado bibliófilo, posuidor dunha completa biblioteca humanística que puxo a disposición doutros humanistas.

Véxase tamén

• «Agustí i Albanell, Antoni, 1517-1586» *Antics Posseïdors (Universitat de Barcelona. CRAI Biblioteca de Reserva)