Annisette Koppel

Annisette Koppel

Biografía
Nacemento	(mul) Annisette Hansen 29 de agosto de 1948 (75 anos) Copenhague, Dinamarca
Datos persoais
País de nacionalidade	Dinamarca
Actividade
Ocupación	cantante
Período de actividade	1953 -
Empregador	The Savage Rose (en)
Xénero artístico	Música rock
Instrumento	Voz
Familia
Cónxuxe	Thomas Koppel (en)
Fillos	Naja Rosa (en) , Billie Koppel (en)
Irmáns	Rudi Hansen (pt)

Annisette Koppel cos Savage Rose, no centro, durante o Smukfest de 2011.

Annisette Koppel (de solteira Annisette Hansen) nada en Copenhague o 29 de agosto de 1948 é unha cantante danesa, principalmente coñecida como cantante do grupo The Savage Rose.

Traxectoria

Estrela infantil

Era filla de Finn Hansen, camareiro, e de Rita Kuni Andersen, bailarina de revista. De pequena apareceu na película Kristiane de Marstal cun pequeno papel coa súa irmá Rudi e por intervención de Louis Miehe-Renard, que tiña un dos papeis principais, a súa irmá converteuse en actriz infantil, e ela apareceu con pequenos papeis nalgúns filmes máis. Annisette debutou na canción a finais da década de 1950 ao gravar un par de sinxelos infantís coa súa irmá Rudi Hansen para a Sonet en 1959 e 1960. Cando tiña 16 anos realizou algunhas gravacións e actuacións co grupo pop Dandy Swingers e gravou tamén o sinxelo Livet er nu.

Cantante principal de The Savage Rose

Máis tarde, Annisette formou parte da banda The Savage Rose, ao se formar en 1967 integrada polos irmáns Thomas e Anders Koppel, xunto con outros membros de Dandy Swingers: Jens Rugsted (baixo), Flemming Ostermann (guitarra) e o batería de jazz Alex Riel.

A música de Savage Rose sentíase fresca e nova e tivo un grande éxito coa combinación da voz distintiva de Annisette co piano, acordeón e máis o órgano. Fixeron unha xira por Escandinavia e por outros países de Europa e en 1969 participaron no Newport Jazz Festival dos Estados Unidos. En Dinamarca gravaron, entre outros, co saxofonista americano de jazz Ben Webster.

Savage Rose rexeitou varias ofertas de compañías discográficas estadounidenses mentres a parella se dedicaba cada vez máis aos asuntos da comunidade. A mediados dos anos 70 Anders Koppel deixou o grupo, ao consideralo "sectario".

Activismo político

Annisette e o seu marido Thomas Koppel, falecido en 2006, realizaron concertos solidarios cos movementos de liberación de Palestina e Turquía e para os pobres dos barrios baixos de Manila. Annisette e Thomas foron membros do Partido Comunista de Dinamarca Marxista-Leninista marxista-leninista durante varios anos .

Tras a reaparición de The Savage Rose co álbum Black Angel en 1995, a Annisette diagnosticáronlle cancro, que logrou vencer. A banda organizou manifestacións e participou na manifestación de Stop Bush no verán de 2005 .

Despois da morte de Thomas, Annisette mantivo o compromiso coa comunidade e entre outras cousas, apareceu en manifestacións para a preservación da Ungdomshuset Jagtvej 69 a finais do 2006, e nunha manifestación na igrexa de Brorsons contra o regreso forzado dos demandantes de asilo iraquís rexeitados en 2009.

Filmografía

• Far til fire (1953)
• Fløjtespilleren (1953)
• Far til fire i sneen (1954)
• Bruden fra Dragstrup (1955)
• Kristiane af Marstal (1956)
• Far til fire i byen (1956)
• Far til fire og onkel Sofus (1957)

Cantante en:

• Hvem myrder hvem? (1978)
• Lykken er en underlig fisk (1989)