Annie Edson Taylor

Na Galipedia, a Wikipedia en galego.
Infotaula de personaAnnie Edson Taylor

Editar o valor em Wikidata
Biografía
Nacemento24 de outubro de 1838 Editar o valor em Wikidata
Auburn, Nova York, Estados Unidos de América Editar o valor em Wikidata
Morte29 de abril de 1921 Editar o valor em Wikidata (82 anos)
Lockport, Estados Unidos de América (pt) Traducir Editar o valor em Wikidata
Profesora
Editar o valor em Wikidata
Datos persoais
País de nacionalidadeEstados Unidos de América Editar o valor em Wikidata
Actividade
Ocupaciónmestra , especialista de cinema Editar o valor em Wikidata
WikiTree: Edson-519 Find a Grave: 7698828 Editar o valor em Wikidata

Annie Edson Taylor, nada en Auburn o 24 de outubro de 1838 e finada en Lockport o 29 de abril de 1921, foi unha profesora estadounidense que no seu 63.º aniversario, o 24 de outubro de 1901, se converteu na primeira persoa que sobreviviu a unha viaxe polas cataratas do Niágara nun barril.[1] Os seus motivos foron financeiros, mais nunca logrou moitos cartos pola súa aventura.

Traxectoria[editar | editar a fonte]

Primeiros anos[editar | editar a fonte]

Annie Edson Taylor naceu en Auburn en 1838.[2] Era unha dos oito fillos de Merrick Edson (1804–1850) e Lucretia Waring;[3] o seu pai era o dono dun muíño de fariña que faleceu cando ela tiña doce anos, deixándolles cartos abondo para proporcionar unha vida cómoda á súa familia. Fíxose profesora (recibiu un grao de honra nun curso de adestramento de catro anos). Mentres estudaba coñeceu a David Taylor, co que casou e co que tivo un fillo que faleceu na infancia. O seu marido faleceu pouco despois.

Finalmente, estableceuse en Bay City, Míchigan onde agardaba converterse en profesora de danza. Como non había escolas de danza en Bay City nesa época, Taylor abriu a súa propia. Mudouse a Sault Ste. Marie en 1900 para dar clases de música. Dende aí, viaxou a San Antonio, Texas, e máis adiante ela e unha amiga viaxaron á Cidade de México para buscar traballo. Ao non ter éxito, volveu a Bay City.[4]

Cataratas do Niágara[editar | editar a fonte]

"The Queen of the Mist" (a raíña da néboa) posando co barril e o gato

Desexando asegurar financeiramente os seus últimos anos e evitar o hospicio, decidiu que sería a primeira persoa en cruzar as cataratas do Niágara nun barril. Taylor empregou un barril feito á medida para a aventura, construído de carballo e ferro e acolchado.[5] Houbo varios atrasos no lanzamento do barril, particularmente porque ninguén quería formar parte dun suicidio potencial. Dous días antes do intento de Taylro, Lanzouse un gato doméstico polas cataratas Horseshoe no barril para comprobar a súa forza e ver se o barril rompería ou non. Contrariamente aos rumores da época, o gato sobreviviu á caída e dezasete minutos despois, tras ser atopado coa cabeza sangrando, posou con Taylor en fotografías.[6]-->

Réplica do barril de Taylor no IMax

O 24 de outubro de 1901, día do seu 63.º aniversario, o barril foi colocado nun lado dunha barca, e Taylor subiu a el coa súa almofada da sorte con forma de corazón. Tras aparafusar a tapa, os seus amigo empregaron unha bomba para pneumáticos de bicicletas para comprimir o aire do barril. O burato empregado para iso foi taponado cunha cortiza, e Taylor foi deixada á deriva preto da beira estadounidense, ao sur de Goat Island.

As correntes do lago Niágara levaron o barril ás canadenses cataratas Horseshoe, que dende entón foron lugar para todos os especialistas en escenas de risco das cataratas. Os rescatadores chegaron ao barril pouco despois da caída. Atopouse a Taylor viva e relativamente ilesa, agás por un pequeno tallo na cabeza. A viaxe durou menos de vinte minutos,[7] mais tardouse un pouco antes de abrirse o barril. Trala viaxe, Taylor dixo á prensa:

Se fose co meu último suspiro, advertiría a calquera contra o intento deste acto ... Eu iría antes á boca dun canón, sabendo que me ía facer estoupar en pedazos que facer outra viaxe polas cataratas.[8]

Anos posteriores[editar | editar a fonte]

Durante un breve tempo, Taylor gañou diñeiro falando sobre a súa experiencia, mais nunca puido conseguir moita riqueza. Escribiu un libro de memorias e volveu ás cataratas do Niágara para vendelo.[9] O seu representante, Frank M. Russell, fuxiu co barril, e tivo que empregar gran parte dos seus aforros en contratar detectives privados para atopalo. Finalmente foi localizado en Chicago, desaparecendo un tempo despois.

Pasou os seus últimos anos posando para fotografías con turistas nun posto de recordos intentando gañar diñeiro de New York Stock Exchange, falando de facer un segundo mergullo nas cataratas en 1906, intentando escribir unha novela, reconstruíndo a súa aventura de 1901 nun filme (que nunca foi visto) e traballando como clarividente.

Falecemento[editar | editar a fonte]

Tumba de Annie

Taylor faleceu o 29 de abril de 1921, aos oitenta e dous anos, na clínica do condado de Niágara en Lockport, Nova York, e foi enterrada preto do aventureiro inglés Carlisle D. Graham (1886–1905)[10] na sección "Stunter's Rest"[11] do cemiterio Oakwood de Niagara Falls, Nova York.

Na cultura popular[editar | editar a fonte]

  • A personaxe de Annie Taylor aparece no filme IMAX Niagara: Miracles, Myths and Magic.[12]
  • Emma Donoghue escribiu un relato curto incluíndo un descendente de Taylor.[13]
  • Un capítulo de Legends of the Hidden Temple titulouse "The Heart-Shaped Pillow of Annie Taylor" ("A almofada con forma de corazón de Annie Taylor").
  • O compositor Michael John LaChiusa escribiu un musical, "Queen of the Mist", baseado na vida de Taylor. Estreouno Transport Group en Nova York o 18 de outubro de 2011, protagonizado por Mary Testa como Taylor.[14]
  • A historia de Taylor inspirou o argumento do episodio "Barrel Bear" da serie de televisión Wonderfalls.
  • Chris Van Allsburg escribiu un libro infantil titulado "Queen of the Falls" sobre a súa fazaña.
  • Nancy Kelly Allen publicou un libro infantil en 2013 titulado "Barreling Over Niagara Falls".[15]
  • No capítulo 7-1 "Murdoch Ahoy" da serie de televisión Murdoch Mysteries, Annie (Jillian Cook) está en Toronto para un discurso na xefatura de policía en que acusa o seu representante (Joel Rinzler) de roubar o seu barril.[16]
  • A historia de Taylor aparece en "Niagara Falls Daredevil, Accidental Nuclear Bomb, Railroad Heroine", capítulo de Mysteries at the Museum.[17]
  • O poeta John Wall Barger retratou a Annie Edson Taylor como heroína vítima da radación dun filme ficticio no seu poema de 2014 "Chernobyl".
  • Joan Murray escribiu un longo poema narrativo, "Queen of the Mist", published by Beacon Press in 1999.[18]

Notas[editar | editar a fonte]

  1. ↑ "Niagara Falls Live". Arquivado dende o orixinal o 23 de xullo de 2011. Consultado o 26 de outubro de 2019. 
  2. ↑ "Copia arquivada". Arquivado dende o orixinal o 02 de outubro de 2013. Consultado o 26 de outubro de 2019. 
  3. ↑ Kusmierz, Marvin (20 de marzo de 2010). "Anna Edson Taylor (1839–1921) Bay City teacher was first person to go over Niagara Falls.". Bay-Journal, Bay City, Michigan. Arquivado dende o orixinal o 25 de outubro de 2016. Consultado o 4 de xullo de 2018. 
  4. ↑ "Biodata". Arquivado dende o orixinal o 23 de xullo de 2011. Consultado o 26 de outubro de 2019. 
  5. ↑ Parish, Charles Carlin, Queen of the Mist: The Story of Annie Edson Taylor, First Person Ever To Go Over Niagara Falls and Survive (Empire State Books, Interlaken, New York, 1987, ISBN 0-932334-89-X); p. 47.
  6. ↑ Parish, C. Queen of the Mist, ibid., p. 55
  7. ↑ First barrel ride down Niagara Falls, History.com, consultado o 23 de outubro de 2016
  8. ↑ Orixinal en inglés: "If it was with my dying breath, I would caution anyone against attempting the feat ... I would sooner walk up to the mouth of a cannon, knowing it was going to blow me to pieces than make another trip over the Fall."
  9. ↑ "Overlooked No More: Annie Edson Taylor, Who Tumbled Down Niagara Falls Into Fame". The New York Times (en inglés). 1 de maio de 2019. ISSN 0362-4331. Consultado o 2 de maio de 2019. 
  10. ↑ "WOMAN GOES OVER NIAGARA IN A BARREL". Oakwood Niagara. The New York Times. 25 de outubro de 1901. Consultado o 4 de xullo de 2018. 
  11. ↑ "Oakwood Cemetery Commemorates War of 1812: Historic Congressional Presentation, Stunters Rest Tour, Nature Walk, Tree Planting" (PDF). Niagara Chamber of Commerce. Oakwood Cemetery of Niagara Falls. 9 de xullo de 2012. Consultado o 4 de xullo de 2018. 
  12. ↑ "IMAX Niagara". Arquivado dende o orixinal o 02 de xuño de 2008. Consultado o 02 de xuño de 2008. 
  13. ↑ "BBC Radio 3 – The Verb, Emma Donoghue, Hannah Silva, Gary Shteyngart, Roz Goddard, Winning Words". BBC. 
  14. ↑ "Transport Group's Queen of the Mist, Starring Mary Testa, Extends Through December 4". Broadway.com. 
  15. ↑ Nancy Allen; Lisa Fields. Barreling Over Niagara Falls. ISBN 9781455617661. 
  16. ↑ "TV Murdoch Mysteries 7-1 "Murdoch Ahoy"". CBC News. Consultado o 5 de outubro de 2013. 
  17. ↑ "Niagara Falls Daredevil, Accidental Nuclear Bomb, Railroad Heroine." Mysteries at the Museum, performance by Don Wildman, season 4, episode 1, Travel Channel, 15 de novembro de 2012.
  18. ↑ Good Reads

Véxase tamén[editar | editar a fonte]

Bibliografía[editar | editar a fonte]

  • Women of Bay County, Joan Totten Musinski Rezmer (ed.) Bay County Historical Society: Bay City, Michigan, 1980.
  • Queen of the Mist: The Forgotten Heroine of Niagara, Joan Murray. Beacon Press, 1999

Ligazóns externas[editar | editar a fonte]

Traído desde «https://gl.wikipedia.org/w/index.php?title=Annie_Edson_Taylor&oldid=6024883»