Anne Veski
 (2012)  | |
| Biografía | |
|---|---|
| Nacemento | (et) Anne Vaarmann 27 de febreiro de 1956 (69 anos)Rapla, Estonia |
| Educación | Universidade Técnica de Talín |
| Actividade | |
| Ocupación | cantante |
| Período de actividade | 1978 - |
| Xénero artístico | Música pop |
| Instrumento | Voz |
| Familia | |
| Cónxuxe | Jaak Veski (1977–1981) Benno Beltšikov |
| Fillos | Kerli Veski |
| Premios | |
| Sitio web | anneveski.com |
          | |
Anne Veski, nada como Anne Vaarmann en Rapla o 27 de febreiro de 1956, é unha cantante pop estoniana.
Traxectoria
[editar | editar a fonte]_Anne_Veski_(cropped).jpg)
Anne Veski naceu como Anne Vaarmann en Rapla, Estonia. Graduouse na escola de música da cidade, despois do cal ingresou na Universidade Técnica de Talín, onde estudou planificación industrial. Licenciouse como economista na universidade en 1978.[1] Ao rematar a súa formación, converteuse en cantante profesional e comezou a traballar como solista cos grupos Mobile e Vitamiin. A súa primeira canción de éxito notable en lingua estoniana foi "Roosiaia kuninganna" en 1980. Outros temas de sona foron "Troopikaöö" en 1979, "Viimane Vaatus" en 1983 e "Jääd või ei?" en 1986.
Despois de ter organizado o conxunto Nemo, Veski comezou a súa carreira en solitario en 1984. Nese mesmo ano, participou no Festival Internacional da Canción de Sopot en Polonia. No certame, recibiu os primeiros premios en dúas categorías: o Amber Nightingale pola mellor interpretación dunha canción polaca (con "Polka Idolka") e o Concurso de Cancións de Intervisión pola canción "Nadezhda gasnet". O Primeiro Premio Intervision foi de feito un segundo posto, xa que a gañadora Krystyna Giżowska recibiu o Gran Premio.[2]
As cancións populares en ruso no seu repertorio inclúen "Vozmi menya s soboy" (1983),[3] "Milyy, goryacho lyubimyy" (1994) e "Radovat'cya zhyzni" (2001).
En 1987, Veski apareceu no documental musical estoniano Pingul keel xunto con outros cantantes e músicos estonianos como Urmas Alender, Ivo Linna e Tõnis Mägi.[4]
Discografía
[editar | editar a fonte]En solitario
[editar | editar a fonte]- Anne Veski (1983)
- Поет Анна Вески (1983) EP
- Позади крутой поворот (1984) EP
- Sind aeda viia tõotan ma! (1985)
- Я обещаю вам сады (1985)
- Радоваться жизни (1986) EP
- Pihtimus (1995)
- Armukarneval (2000)
- Diiva (2000)
- Не грусти, человек (2002)
- Lootus (2003)
- Ни о чем не жалейте (2004)
- Live 2008 (2008)
- Ingleid ei (2009)
- Kõike juhtub / Все бывает (2010)
- Sünnipäev kahele (2011)
- Kallis, kuula (2013)
- Võta minu laul (2016)
- Ma tänan teid : juubelikontserdi live (2016)
- Anne Veski "Veereb, aeg nii veereb" (2018)
Colaboracións
[editar | editar a fonte]- Anne Veski ja ansambel "Muusik-Seif" (1983), Anne Veski e Muusik-Seif
- Tänan! (1988), Anne Veski & Nemo
- Kutse tantsule nr. 9: Suvekuningannad (1998), Anne Veski e Marju Länik
- Sünnipäev kahele (2011), Anne Veski e Ain Tammesson
Vida persoal
[editar | editar a fonte]Veski casou co letrista Jaak Veski (1956–1994) en 1977. A súa filla Kerli Veski é unha diplómata que traballou no Consulado de Estonia en Moscova. A parella divorciouse en 1981. Veski casou de novo co seu representante, Benno Beltšikov.[5]
Recoñecementos
[editar | editar a fonte]- Artista Meritoria da República Socialista Soviética de Estonia (1984)
- Orde da Estrela Branca, 5ª Clase
Notas
[editar | editar a fonte]- ↑ "Biography". Anne Veski. 2023. Consultado o 21 de xullo de 2024.
- ↑ "The complete list of all participants and places until 2006". Arquivado dende o orixinal o 2 de xaneiro de 2007. Consultado o 17 de outubro de 2007. Pesnya goda site (ru) (pl)
- ↑ Poet Anna Veski (Anne Veski Sings. In Russian). Vinyl LP. Melodiya
- ↑ "TallinnFilm". Arquivado dende o orixinal o 20 de xuño de 2009. Consultado o 15 de xuño de 2009.
- ↑ Official site (en estoniano) Arquivado 23 de marzo de 2009 en Wayback Machine.
