Annales Cambriae

Na Galipedia, a Wikipedia en galego.

Annales Cambriae
[Descrición da imaxe, se se engade unha]
OrixeGales
LinguaLatín medieval
Tema(s)Historia de Gales, da illa de Gran Bretaña e de Europa
Xénero(s)Crónica
Editorial[Depende da edición; orixinalmente non tiña editorial específica]
Data de pub.Escrita entre os séculos X e XIII
FormatoManuscrito
PáxinasVaría segundo a versión do manuscrito
editar datos en Wikidata ]

Os Annales Cambriae ou Os Anais de Gales é o nome que se lle outorga a un conxunto de crónicas cambro-latinas procedentes dun texto compilado de diversas fontes en St David's, Dyfed (Gales), nunha data incerta, aínda que anterior ao século X. malia o seu nome, os Annales Cambriae rexistra non só eventos en Gales, senón tamén sucesos en Irlanda, Cornualla, Inglaterra, Escocia e ás veces en lugares máis afastados.

Fontes[editar | editar a fonte]

Existen catro versións principais dos Annales Cambriae:

  • A: Londres, British Library, manuscrito Harley 3859, folios 190r-193r.
  • B: Londres (Kew), Public Records Office, manuscrito E.164/1 (K.R. Misc. Books, Serie I) pp. 2–25
  • C: Londres, British Library, manuscrito Cotton Domitian A.i, folios 138r-155r
  • D: Exeter, Cathedral Library, manuscrito 3514, pp. 523–8, a Cronica ante aduentum Domini e E: ibid., pp. 507–19, a Cronica de Wallia.

A a súa orixe dátase en torno a 1200. Inseriuse sen título no interior dun manuscrito da Historia Brittonum onde está inmediatamente seguido por unha árbore xenealóxica de Owain ap Hywel (falecido en 988). Se ben o manuscrito non dá unha cronoloxía explícita, os seus anais parecen transcorrer entre o 445 e o 977, cunha última entrada en 954, facendo moi probábel que o texto pertenza á segunda metade do século X.

B foi escrito, probabelmente na abadía cisterciense de Neath, a fins do século XIII. Titúlase Annales ab orbe condito adusque A.D. 1286.

C é parte dun libro escrito en San David's e titúlase Annales ab orbe condito adusque A.D. 1288; este texto tamén foi datado a fins do século XIII.

A base de B e C é unha crónica do mundo derivada dos Origenes de Isidoro de Sevilla (Libro V, capítulo 39), por medio da Chronica minora de Beda. Despois de 457, B concorda case con A ata que A termina, e despois do imperio de Heraclio (610-641) C concorda maiormente con A ata que A termina, aínda que non queda claro que A non sexa a fonte común para B e C (Dumville 2002, p. xi). B e C diverxen despois de 1203, C presenta poucas e breves entradas galesas.

D e E atópanse nun manuscrito escrito na abadía cisterciense de Withland, no suroeste de Gales a fins do século XIII; a Cronica ante aduentum Domini esténdese de 1132 a 1285, mentres que a Cronica de Wallia se estende de 1190 a 1266.

A é a única que se beneficiou dunha edición diplomática completa (Phillimore 1888). Annales Cambriae, o texto A.

Mencións a Galiza[editar | editar a fonte]

No libro clásico de historia Europe in the High Middle Ages (1150-1300) do profesor John H. Mundy[1] afírmase: “En 1159 os norteños Annales de Cambrai falan de tres imperios: o bizantino, o Xermánico e o de Galicia (Santiago de Compostela)”.

Nos 'Annales', menciónase que en tempos de Afonso VII de Galiza-León e Castela-Toledo o galego era un dos imperios de Europa, mencionando territorios como Nova Castela (aínda que o termo se popularizou a partir do século XVI) e os reinos de Portugal, Navarra, Aragón, Cataluña e Provenza como parte do imperio. Nótese que o termo "imperio" tivo diferentes connotacións e usos a través da historia. No contexto dos "Annales Cambriae", o termo "imperio" non debe entenderse da mesma maneira que, por exemplo, no "Imperio Romano". Afonso VII foi proclamado "Imperator totius Hispaniae" (Emperador de toda Hispania) no 1135. Isto significaba que el pretendía ser o monarca supremo de toda a Península Ibérica, situándose por riba dos outros reis cristianos, unha supremacía honorífica, que tamén se quixo atribuír o Emir de Córdoba, máis que un título que indicase un control efectivo sobre todas as terras de Hispania. No caso do "imperio galego de Santiago", a referencia é unha alusión á importancia relixiosa e cultural de Santiago de Compostela, especialmente coa influencia do Camiño de Santiago como ruta de peregrinaxe na Idade Media.[2]

Notas[editar | editar a fonte]

  1. Mundy, John H. (2014-07-03). Europe in the High Middle Ages: 1150-1300 (3 ed.). London: Routledge. ISBN 978-1-315-83888-5. doi:10.4324/9781315838885/europe-high-middle-ages-john-mundy. 
  2. Fletcher, R. A. (Richard A. ) (1984). Saint James's catapult : the life and times of Diego Gelmírez of Santiago de Compostela. Oxford [Oxfordshire] : Clarendon Press ; New York : Oxford University Press. ISBN 978-0-19-822581-2. 

Véxase tamén[editar | editar a fonte]

Bibliografía[editar | editar a fonte]

  • Dumville, David N., 1984 "When was the 'Clonmacnoise Chronicle' created? The evidence of the Welsh annals". En: Grabowski K. & Dumville D.N., 1984 Chronicles and Annals of Mediaeval Ireland and Wales: The Clonmacnoise-group of texts, (ISBN 0-85115-167-1), Boydell , pp. 209–226.
  • Dumville, David N. (editor e tradutor), 2002 Annales Cambriae, A.D. 682-954: Texts A-C in Parallel, Department of Anglo-Saxon, Norse and Celtic, University of Cambridge.
  • Dumville, David N. 2004 "Annales Cambriae and Easter". En: The Medieval Chronicle III, Rodopi, Amsterdam & Nova York.
  • Hughes, Katherine, 1974 "The Welsh Latin chronicles: Annales Cambriae and related texts". En: (1980) Celtic Britain in the Early Middle Ages, (ISBN 0-8476-6771-5), Boydell, pp. 67–85.
  • Hughes, Katherine, 1980 "The A-text of Annales Cambriae". En: Celtic Britain in the Early Middle Ages, (ISBN 0-8476-6771-5), Boydell, pp. 86–100
  • Miller, Molly, 1975 "The Commanders at Arthuret", Transactions of the Cumberland and Westmorland Archaeological and Antiquarian Society, New Series, 75, pp. 96–118.
  • Miller, Molly, 1977/8 "Date-Guessing and Dyfed", Studia Celtica 12/13, pp. 33–61.
  • Miller, Molly, 1979 "The disputed historical horizon of the Pictish king-lists", Scottish Historical Review, 58, pp. 1–34.
  • Miller, Molly, 2004 "Final stages in the construction of the Harleian Annales Cambriae: the evidence of the framework", The Journal of Celtic Studies JCS 4, Brepols.
  • Phillimore, Egerton (ed.), 1888 "The Annales Cambriae and Old Welsh Genealogies from Harleian MS. 3859", Y Cymmrodor 9 (1888) pp. 141–183.
  • Remfry, P.M., Annales Cambriae. A Translation of Harleian 3859; PRO E.164/1; Cottonian Domitian, A 1; Exeter Cathedral Library MS. 3514 and MS Exchequer DB Neath, PRO E (ISBN 1-899376-81-X)
  • Williams [Ab Ithel], John (ed.), 1860 Annales Cambriae.Londres; Longman, Green, Longman, and Roberts.
  • Wiseman, Howard, 2000 "The derivation of the date of Badon in the Annales Cambriae from Bede and Gildas", Parergon 17.2, pp. 1–10.

Ligazóns externas[editar | editar a fonte]

  • Unha tradución inglesa dos anais orixinais (combinando o texto dos manuscritos A, B & C para o período de mediados do século V a finais do X) pode acharse aquí. Arquivado 04 de decembro de 2010 en Wayback Machine.
  • Wiseman, Howard, 2002 'The derivation of the date of the Arthurian entries in the Annales Cambriae from Bede and Gildas' Páxina web de Vortigern Studies