Anna Paquin

Anna Paquin
Anna Paquin no San Diego Comic-Con de 2012.
Nome completo	Anna Helene Paquin
Nacemento	24 de xullo de 1982 (37 anos)
Lugar	Winnipeg Canadá
Nacionalidade	Canadá e Nova Zelandia
Educada en	Universidade de Columbia, Hutt Intermediate School, Raphael House Rudolf Steiner School e Windward School
Cónxuxe(s)	Stephen Moyer
Profesión	Actriz (1993-presente)
Premios Premios Oscar Mellor actriz secundaria 1994 The Piano Globos de Ouro Mellor actriz en serie de televisión- Drama 2009 True Blood
[ editar datos en Wikidata ]

Anna Helene Paquin, nada en Winnipeg (Canadá) o 24 de xullo de 1982, é unha actriz neozelandesa.

O primeiro filme co que acadou sona internacional foi The Piano, de Jane Campion, grazas ó que gañou o Oscar á mellor actriz secundaria en 1994, cando tiña once anos, converténdose deste xeito na segunda persoa máis nova en acadar este premio. Despois do éxito en The Piano, a súa traxectoria como actriz colle folgos unha década máis tarde con papeis en filmes como She's All That, Almost Famous e X-Men, sendo neste último onde interpreta a Pícara, papel polo cal é amplamente coñecida.

Malia gañar o premio Oscar tan nova logrou manter unha carreira coherente e moita discreción na súa vida privada. Actualmente, Paquin conseguiu recoñecemento da crítica polo seu papel como Sookie Stackhouse na serie de True Blood e foi premiada co Globo de Ouro á mellor actriz en serie de televisión dramática no 2009.

Traxectoria

É filla de Mary Paquin (Brophy, apelido de solteira) mestra de inglés nada en Nova Zelandia e do canadense Brian Paquin, mestre de educación física. Ten un irmán, Andrew (1977), e unha irmá, Katya (1980). Á idade de catro anos múdase coa súa familia a Lower Hutt en Nova Zelandia.

En 1995 prodúcese o divorcio dos seus pais e cando tiña 15 anos, trasládase coa súa nai aos Ánxeles para impulsar a súa carreira como actriz. Cando remata o instituto trasládase a Nova York, onde se matricula na Universidade de Columbia e asiste ás clases durante un ano, ata que decide deixar os estudos para continuar como actriz.

No 2001, adquire a nacionalidade neozelandesa, de xeito que posúe dobre nacionalidade canadense e neozelandesa, aínda que ela considérase abertamente neozelandesa.

Está casada co seu compañeiro do elenco de actores de True Blood, Stephen Moyer, que encarna o seu mozo na ficción. Anna e Stephen comezaron a saír pouco despois das audicións para a serie, pero non confirmaron a súa relación até febreiro de 2009. Seis meses despois anunciaron que estaban prometidos para casaren o 21 de agosto do seguinte ano en Malibú. Por mor da rodaxe de True Blood, Paquin trasladouse a Venice nos Ánxeles en 2007.

Filmografía

Paquin no 2006

Paquin co seu home e compañeiro na serieTrue Blood Stephen Moyer, ano 2009

Filmes

Ano	Filme	Papel	Notas
1993	The Piano	Flora McGrath
1996	Jane Eyre	Jane Eyre
1996	Fly Away Home	Amy Alden
1997	The Member of the Wedding	Frankie Addams	Telefilme
1997	Amistad	Sabela II de España
1998	Hurlyburly	Donna
1998	Castle in the Sky	Sheeta (voz)
1999	It's the Rage	Annabel Lee	Telefilme
1999	She's All That	Mackenzie Siler
1999	A Walk on the Moon	Alison Kantrowitz
2000	X-Men	Pícara/Marie
2000	Almost Famous	Polexia Aphrodisia
2000	Finding Forrester	Claire Spence
2001	Buffalo Soldiers	Robyn Lee
2002	Darkness	Regina
2002	25th Hour	Mary D'Annunzio
2003	X2	Pícara/Marie
2004	Steamboy	James Ray Steam (voz)
2005	The Squid and the Whale	Lili Thorn
2005	Joan Of Arc	Joan (voz)	Telefilme
2006	X-Men: The Last Stand	Pícara/Marie
2007	Blue State	Chloe Hamon
2007	Mosaic	Maggie Nelson (voz)
2008	Trick 'r Treat	Laurie
2010	Open House	Jennie
2010	TheRomantics	Lila
2011	Margaret	Lisa Cohen
2011	Scream 4	Rachel
2011	The Carrier	Kim	Curtametraxe
2013	Straight A's	Katherine
2013	Free Ride	Christina
2014	X-Men: Days of Future Past	Rogue / Marie

Televisión

Ano	Título	Personaxe	Notas
1997	The Member of the Wedding	Frankie Adams	Telefilme
2007	Enterrádeme o corazón en Wounded Knee	Elaine Goodale	Telefilme
2008 - actualidade	True Blood	Sookie Stackhouse	Protagonista
2009	The Courageous Heart of Irena Sendler	Irena Sendler	Telefilme
2011	Phineas and Ferb	Kristen (voz)	Episodio: "The Curse of Candace"
2013	Susanna	Katie	Protagonista; 6 episodios

Véxase tamén

Ligazóns externas

• Anna Paquin na IMDb (en inglés).