Anna Gavalda

Anna Gavalda
Nacemento	9 de decembro de 1970
	Boulogne-Billancourt
Nacionalidade	Francia
Etnia	Pobo francés
Ocupación	xornalista, tradutora, novelista, guionista, escritora e escritora de literatura infantil
Fillos	2
Xéneros	Novela e historias curtas
Coñecido/a por	Hunting and Gathering
Na rede
[ editar datos en Wikidata ]

Anna Gavalda, nada o 9 de decembro de 1970, é unha escritora en lingua francesa.

Traxectoria

Anna Gavalda naceu o 9 de decembro de 1970 en Boulogne-Billancourt, na rexión da Illa de Francia. É nai de dous rapaces.

En 1992 gaña o premio France Inter por La Plus Belle Lettre d’amour (A carta de amor máis fermosa). Profesora de francés na universidade Nazareth en Voisenon (Seine-et-Marne), Anna Gavalda obtén no 2000 o Gran Premio RTL-Lire pola súa primeira colección de novelas curtas Je voudrais que quelqu'un m'attende quelque part [Encantaríame que alguén me esperase nalgún sitio]. Actualmente está escribindo na revista Elle artigos sobre literatura infantil e xuvenil.

Obras

• Prólogo e textos da reportaxe fotográfica e dos diálogos recollidos por Régis Momenteau no libro A leurs bons cœurs (Aos seus bos corazóns), Le Dilettante, 2005.
• Xuntos e máis nada (Ensemble, c'est tout), Le Dilettante, novela, 2004; tradución de Mª Dolores Torres Paris, Editorial Galaxia, Vigo, 2006, ISBN 84-8288-898-6.
• 35 kilos d'espoir (35 quilos de esperanza), Bayard Jeunesse, novela para adolescentes, 2002
• Je l'aimais (Eu quíxeno), Le Dilettante, novela 2002.
• Unha bonita escapada (L'échappée belle), France loisirs, novela, 2001; tradución de Mª Dolores Torres Paris, Editorial Galaxia, Vigo, 2010, ISBN 978-84-9865-279-6.
• Ceux qui savent comprendront (Os que saben, entenderán), Grand livre du mois, novela curta de 64 páxinas, 2000.
• Je voudrais que quelqu'un m'attende quelque part (Encantaríame que alguén me esperase nalgún sitio), Le Dilettante, novela curta, 1999.

Véxase tamén

Ligazóns externas

• Anna Gavalda—Fotos de Mathieu Bourgois.