Anna Freixas

Na Galipedia, a Wikipedia en galego.
Saltar ata a navegación Saltar á procura
Anna Freixas
Anna Freixas Farré.png
Nome completoAnna Freixas Farré
Nacemento21 de xullo de 1946
 Barcelona
NacionalidadeEspaña
Alma máterUniversidade de Barcelona
Ocupacióncatedrática, escritora e investigadora
PremiosMeridiana award
editar datos en Wikidata ]

Anna Freixas Farré, nada en Barcelona o 21 de xullo de 1946, é unha escritora feminista e profesora de universidade catalá, xa xubilada.[1]

Traxectoria[editar | editar a fonte]

Licenciouse e doutorouse en Psicoloxía pola Universidade de Barcelona, onde foi alumna de Miquel Siguán[2] e onde desenvolveu os primeiros anos da súa actividade docente. En 1981 ingresou na Universidade de Córdoba, primeiro no Instituto de Ciencias da Educación e despois na Facultade de Ciencias da Educación, onde chegou a ser directora do departamento de Psicoloxía e catedrática de Psicoloxía Evolutiva e da Educación.[3] Foi unha das creadoras da Aula de Estudos das Mulleres, que dirixiu entre 1994 e 2001, transformada despois na Cátedra Leonor de Guzmán.[1][4]

As súas liñas de investigación foron o envellecemento das mulleres, coeducación e feminismo e a evolución da investigación e docencia en Psicoloxía desde unha perspectiva de xénero. Considérase que tivo unhas achegas pioneiras para o desenvolvemento da xerontoloxía feminista en España.[5]

Premios e recoñecementos[editar | editar a fonte]

A súa obra Mujer y envejecimiento. Aspectos psicosociales recibiu o Premio Dr. Rogeli Duocastella de Investigación no campo das Ciencias Sociais, outorgado pola Fundación La Caixa, en 1993.[6]

En 1999 recibiu o VI Premio de Divulgación Feminista Carmen de Burgos, concedido pola Asociación de Estudos Históricos e sobre a Muller da Universidade de Málaga.[6][7]

En 2009 recibiu, ex aequo, o Premio Meridiana da Junta de Andalucía, en recoñecemento á labor realizada por persoas e institucións en pro da igualdade de dereitos entre homes e mulleres, na categoría de Iniciativas de Produción Artística, Cultural ou Deportiva.[3][8]

Obras[editar | editar a fonte]

  • Mujer y envejecimiento. Aspectos psicosociales (Fundació La Caixa, 1993)
  • (Ed.) Abuelas, madres, hijas: La transmisión sociocultural del arte de envejecer (Icaria Editorial, 2005)
  • Demà més: dones, vides i temps (Institut Català de les Dones, 2006)
  • Nuestra menopausia: una versión no oficial (Paidós, 2007)
  • Tan frescas. Las nuevas mujeres mayores del siglo XXI (Paidós, 2013)

Notas[editar | editar a fonte]

  1. 1,0 1,1 "Entrevistas: Freixas Farré, Anna". 25 de xuño de 2010. Consultado o 4 de setembro de 2016. 
  2. Freixas, Anna. "Un apunte, a modo de memoria personal..." (PDF). 
  3. 3,0 3,1 Universidade de Córdoba, ed. (5 de marzo de 2009). "Las profesoras Maria Jose Porro y Anna Freixas galardonadas con el premio Meridiana". Consultado o 7 de setembro de 2016. 
  4. "«Los hombres deberían aceptar su lado femenino: serían más felices»". ABC (Córdoba). 20 de novembro de 2005. 
  5. Maquieira d'Angelo, Virginia, ed. (2002). Mujeres mayores en el siglo XXI (PDF). Instituto de Migraciones y Servicios Sociales. 
  6. 6,0 6,1 Editorial Icaria (ed.). "Anna Freixas Farré". Arquivado dende o orixinal o 15 de setembro de 2016. Consultado o 7 de setembro de 2016. 
  7. Asociación de Estudios Históricos y sobre la Mujer de la Universidad de Málaga (ed.). "Premio Carmen de Burgos". Consultado o 7 de setembro de 2016. 
  8. Instituto Andaluz de la Mujer. "Listado de personas, colectivos e instituciones premiadas en los Premios Meridiana (1998 - 2014)" (PDF). Consultado o 5 de setembro de 2016.