Moi abundantes no mediomariño, especialmente na zona intermareal, pero algunhas especies colonizaron as augas salobres e as doces, e mesmo o medio terrestre. Os saltos das pulgas de mar (talítridos) e dos gammáridoss co seu típico corpo curvado en "C" e nadando de lado, son ben coñecidos polas persoas que visitan as praias.
Os anfípodos terrestres, como os talítridos, viven na area, entre pedras ou en praias.
A orde inclúe case 10.000 especies descritas. Algunhas delas convertéronse en invasoras coa proliferación das comunicacións entre as concas hidrográficas a través de canles, ou por augas que escorregan por balastros e cascallos.
O nome científico da orde, Amphipoda, está formado polos elementos do latín científicoamphi- e -poda, tirados dos termos do grego antigo: o adverbio ἀμφί amphí, "polo dous lados", e o substantivo πούς, ποδός poús, podós, "pé", "pata", facendo referencia aos dous tipos de patas que posúen estes animais. Isto contrasta cos seus parentes os isópodos (Isopoda), que teñen un só tipo de patastorácicas.
↑Barnard, J. Laurens; Ingram, Camilla L. (1986). "The supergiant amphipod Alicella gigantea Chevreux from the North Pacific Gyre". Journal of Crustacean Biology6 (4): 825–839. JSTOR1548395. doi:10.2307/1548395.
