Andreas Gursky

Andreas Gursky

Biografía
Nacemento	15 de xaneiro de 1955 (70 anos) Leipzig, Alemaña
Educación	Kunstakademie Düsseldorf (en) Universität Duisburg-Essen
Actividade
Lugar de traballo	Düsseldorf
Ocupación	artista, fotoxornalista, profesor universitario, fotógrafo, mestre
Período de actividade	1980 -
Empregador	Kunstakademie Düsseldorf (en)
Membro de	North Rhine-Westphalia Academy for Sciences and Arts (en)
Representante	White Cube (en) e Artists Rights Society
Obra
Obras destacables (1999) Rhein II (pt) (2001) 99 Cent II Diptychon (pt)
Premios
(2009)  Oso de Berlín (2003)  Premio Wilhelm Loth  Goslarer Kaiserring (en)
Descrito pola fonte	Obálky knih,
Sitio web	andreasgursky.com…

Andreas Gursky, nado en Leipzig o 15 de xaneiro de 1955, é un fotógrafo alemán coñecido polos seus traballos de gran formato e que traballa con imaxes en cor procesadas dixitalmente. É un dos fotógrafos máis exitosos da fotografía contemporánea.

Traxectoria

Andreas Gursky naceu nunha familia de fotógrafos, xa que tanto o seu pai, Willy Gursky, como o seu avó Hans (1890–1960) foron fotógrafos publicitarios. Willy Gursky dirixira o seu propio estudo en Leipzig desde 1949, ata que en 1950 trasladouse coa súa familia desde a República Democrática Alemá á cidade de Düsseldorf.

De 1978 a 1981 Andreas Gursky estudou Comunicación Visual na Universidade de Duisburg-Essen con Otto Steinert e Michael Schmidt. Ao mesmo tempo estudaba na Academia de Arte de Düsseldorf onde estudou con Bernd Becher e graduouse en 1987.

Xunto cos fotógrafos Axel Hütte, Jörg Sasse, Thomas Struth, Candida Höfer e Thomas Ruff, pertence ao grupo da Escola Becher ("Becher-Schüler"), de Bernd e Hilla Becher, coñecida como Escola de Fotografía de Düsseldorf.

En 1980 Andreas casou con Carol Pilars de Pilar, coa que ten un fillo e unha filla. Despois volveu casar coa fotógrafa Nina Pohl, coa que fixo parte do seu traballo.