Avelina Valladares

Avelina Valladares

A Avelina Valladares na Estrada
Biografía
Nacemento	(es) Avelina Valladares Núñez 23 de outubro de 1825 Vilancosta, España
Morte	17 de marzo de 1902 (76 anos) A Estrada, España
Datos persoais
País de nacionalidade	España
Actividade
Ocupación	escritora , autora
Xénero artístico	Poesía
Lingua	Lingua castelá
Obra
Obras destacables Diálogo entre un peregrino que se dirige a Compostela y un labriego
Familia
Irmáns	Marcial Valladares Núñez

Avelina Valladares Núñez, nada en Vilancosta (A Estrada) o 23 de outubro de 1825 e finada en 1902, foi unha escritora galega, e unha das primeiras mulleres que publicou artigos de opinión na prensa escrita, e empregou o galego como lingua dalgúns dos seus poemas. É irmá do tamén escritor Marcial Valladares.

Traxectoria

Filla de José Dionisio Valladares Gómez, cunha considerable formación académica debido á súa ascendencia fidalga, Avelina Valladares dedicou parte da súa vida ao coidado dos demais (sempre dende as súas fondas conviccións relixiosas), participando na Xunta Parroquial de Beneficencia da súa parroquia, Berres. Nos períodos comprendidos entre 1840 e 1850, e 1864 e 1879, a escritora adicou a meirande parte do seu tempo á escrita, realizando durante eses anos a maior parte da súa obra literaria.

Como poeta afincada no seu tempo, as súas composicións tratan temas relixiosos, amicais ou de costumes. Non obstante, o que máis chama a atención dentro da súa produción literaria, son os artigos conservados, xa que abordan cuestións prácticas coma os cultivos, fan denuncia social ("El ochavo milagroso" critica algunhas supersticións populares) ou diríxense á autoridade (neste caso eclesiástica) para facer peticións de interese xeral. É tamén digno de destacar o seu Diálogo entre un peregrino que se dirige a Compostela y un labriego, obra bilingüe con claras características proclives á dramatización (hoxe existe unha versión teatral feita por Xosé Lueiro Lemos).

Na súa memoria creouse o Premio de poesía Avelina Valladares, convocado polo concello da Estrada.

Artigo de Castro López.

Véxase tamén

Bibliografía

• Castro López, M.: "Avelina Valladares", pp. 33–35 en Almanaque Gallego para 1898, Buenos Aires, 25 de outubro de 1897 (en castelán).
• Losada Diéguez, Antón: "N'a súa memoria", El Emigrado, 24/10/1925.
• Luna Sanmartín, Xosé (2000). Ond'o sol facheaba ô amañecer: vida e obra da cantora da Ulla Avelina Valladares Núñez. ISBN 84-95429-05-5.
• Marco, Aurora (2007). Dicionario de Mulleres Galegas. Edicións A Nosa Terra. p. 436-437. ISBN 978-84-8341-146-9. 

Outros artigos

• Premio de poesía Avelina Valladares
• José Dionisio Valladares Gómez
• Marcial Valladares

Ligazóns externas

• Concello da Estrada
• "Avelina Valladares". Álbum de Mulleres do Consello da Cultura Galega.