Ana do Reino Unido

Na Galipedia, a Wikipedia en galego.
(Redirixido desde "Ana, Princesa Real")
Saltar ata a navegación Saltar á procura
Ana do Reino Unido
Princesa Real
Princess Anne October 2015.jpg

Nome completoAnne Elizabeth Alice Louise
Nacemento15 de agosto de 1950
Clarence House, Londres, Inglaterra Inglaterra
Cónxuxe/s
  • Mark Phillips (m. 1973; div. 1992)
  • Timothy Laurence (m. 1992)
Descendencia
Casa realCasa de Windsor
ProxenitoresFilipe de Edimburgo
Isabel II do Reino Unido

Ana do Reino Unido, a Princesa Real , (Anne Elizabeth Alice Louise; 15 de agosto de 1950), é a única filla da raíña Isabel II do Reino Unido e do seu consorte, o príncipe Filipe de Edimburgo. Ela é a sétima en portar o título de princesa real e a décimo terceira na liña de sucesión ao trono.

Primeiros anos[editar | editar a fonte]

Dende o momento do seu nacemento, o 15 de agosto de 1950, recibiu o título de princesa Ana de Edimburgo, grazas á patente real que o seu avó, Xurxo VI do Reino Unido emitira en 1948 garantindo devandito título aos fillos do duque de Edimburgo.

O seu bautizo celebrouse na Sala de Música do Palacio de Buckingham, o 21 de outubro de 1950.

A princesa educouse no Palacio de Buckingham e despois no internado Benenden en Kent. Este último permitiu á princesa dominar o idioma francés.

Traballo cos cabalos[editar | editar a fonte]

A princesa mostrou entusiasmo polos cabalos dende unha temperá idade e dedicoulles parte da súa vida. Competiu nos Xogos Olímpicos de Montreal 1976 co equipo británico. Foi presidenta da Federación Ecuestre Internacional entre 1986 e 1994.

Matrimonio e descendencia[editar | editar a fonte]

A súa voda o 14 de novembro de 1973 co capitán Mark Anthony Phillips na Abadía de Westminster foi televisada a todo o mundo.Tiveron dous fillos:

  • Peter Phillips (nado o 15 de novembro de 1977). Casou con Autumn Patricia Kelly (n. 1978). Teñen dúas fillas:

Savannah Phillips (nada o 29 de decembro de 2010) e Isla Phillips (nada o 29 de marzo de 2012).

  • Zara Phillips, MBE (nacida o 15 de maio de 1981). con Michael James Tindall, MBE (n. 1978). Teñen dúas fillas:

Mia Tindall (nada o 17 de xaneiro de 2014) e Lena Tindall (nada o 18 de xuño de 2018).

Os seus fillos non recibiron título nobiliario ningún.

O 20 de marzo de 1974 a princesa sufriu un intento de secuestro fallido.

En 1992 separouse do capitán Mark Phillips e casou co vicealmirante Timothy James Laurence, co que segue casada na actualidade.