Amy Heckerling
  | |
| Biografía | |
|---|---|
| Nacemento | 7 de maio de 1954 (70 anos) Bronx, Estados Unidos de América |
| Educación | Escola de Artes Tisch da Universidade de Nova Iorque (pt)  High School of Art and Design (en) AFI Conservatory (en) The Center for Early Education |
| Actividade | |
| Ocupación | actriz, escritora, produtora de televisión, guionista, directora de cinema, produtora, realizadora |
| Período de actividade | 1977 - |
| Familia | |
| Cónxuxe | Neal Israel (1984–1984) |
| Premios | |
| |
| Descrito pola fonte | Women film directors : an international bio-critical dictionary (en) The St. James women filmmakers encyclopedia (en) |
      | |
Amy Heckerling, nada en Nova York o 7 de maio de 1954, é unha directora de cinema estadounidense. Alumna da Universidade de Nova York e do American Film Institute, dirixiu filmes de éxito comercial como Fast Times at Ridgemont High, National Lampoon's European Vacation, Mira quen fala e Clueless.
Heckerling recibiu a medalla Franklin J. Schaffner Alumni da AFI[1] polo seu talento creativo e logros artísticos.
Vida persoal
[editar | editar a fonte]Heckerling saíu co director Martin Brest cando marchou vivir aos Ánxeles. Aínda que posteriormente romperon a relación, continuaron a ser bos amigos. O primeiro matrimonio de Heckerling foi con David Brandt, entre 1981 e 1983. En 1984, Heckerling casou co director Neal Israel, do que se divorciou en 1990.[2][3] A filla da parella, Mollie Israel, naceu en 1985. A Mollie fixéronlle crer que Israel era o seu pai biolóxico ata 2004,[4] cando lle revelaron que de feito o seu pai biolóxico era Harold Ramis.[3] Heckerling incluíu a Mollie nalgúns dos seus filmes en pequenos papeis, aínda que afirma que a súa filla nunca quixo ser unha "girly girl" e distanciouse moito do seu traballo. A pesar diso, as dúas lévanse moi ben e Mollie adoita presentar á súa nai música nova, como OK Go, e filmes.[5] Mollie é cantante do grupo The Lost Patrol. Heckerling vive entre Os Ánxeles e Nova York.
Heckerling é unha das poucas mulleres que dirixiu múltiples filmes de éxtio comercial. Cando se lle preguntou polo feito de que só o 5% dos filmes están dirixidos por mulleres, Heckerling afirmou:
Alegación de mala conduta sexual
[editar | editar a fonte]O actor e cómico Chris Kattan afirmou no seu libro de memorias de 2019 Baby, Don't Hurt Me: Stories and Scars from Saturday Night Live que Lorne Michaels lle metera presión para manter relacións sexuais con Heckerling a cambio de que ela dirixise o filme de 1998 A Night at the Roxbury (aínda que finalmente só o produciu).[8] A filla de Heckerling discute esta afirmación dicindo que, aínda que Heckerling e Kattan tiveron unha relación, foi cando o filme xa estaba rodado.[9]
Filmografía
[editar | editar a fonte]| Ano | Filme | Ocupación | Notas |
|---|---|---|---|
| 1977 | Getting It Over With | Directora / Guionista | Curtametraxe, filme de tese do AFI |
| 1982 | Fast Times at Ridgemont High | Directora | |
| 1984 | Johnny Dangerously | Directora | |
| 1985 | National Lampoon's European Vacation | Directora | |
| 1986 | Fast Times | Produtora / Directora / Guionista | Serie de televisión baseada en Fast Times at Ridgemont High; directora e guionista de tres episodios |
| 1988 | Life on the Flipside | Produtora | Telefilme |
| 1989 | Mira quen fala | Directora / Guionista | |
| 1990 | Mira quen fala tamén | Directora / Guionista | Coescrito con Neal Israel |
| 1991-92 | Baby Talk | Cocreadora; Guionista | Serie de televisión (35 episodios) |
| 1993 | Look Who's Talking Now | Produtora | |
| 1995 | Clueless | Directora / Guionista / Produtora | |
| 1996-99 | Clueless | Creadora; Produtora / Directora / Guionista | Serie de televisión (62 episodios); produtora da primeira temporada; directora e guionista de catro episodios |
| 1998 | A Night at the Roxbury | Produtora | |
| 1999 | Molly | Produtora executiva | |
| 2000 | Loser | Directora / Guionista / Produtora | |
| 2005 | The Office | Directora | Serie de televisión; dirixiu o episodio "Hot Girl" |
| 2007 | I Could Never Be Your Woman | Directora / Guionista | |
| 2012 | Vamps | Directora / Guionista | |
| 2012 | Gossip Girl | Directora | Serie de televisión; dirixiu os episodios "Father and the Bride" e "Monstrous Ball" |
| 2015-17 | Red Oaks | Directora | Serie de televisión; dirixiu os episodios "Body Swap", "After Hours", "The Bris", "Independence Day", "Samwich" e "A Little Business Proposition" |
Notas
[editar | editar a fonte]- ↑ "Franklin J. Schaffner Alumni Medal History". AFI Conservatory. Consultado o 1 de febreiro de 2014.
- ↑ McMurran, Kristin (1985-05-13). "Mixing Marriage and Movies Is a Mirthly Delight for Directors Amy Heckerling and Neal Israel". People. Consultado o 2019-05-28.
- ↑ 3,0 3,1 Swartz, Tracy (18 de abril de 2018). "Mollie Heckerling revealed as Harold Ramis' daughter in new book". Chicago Tribune. Consultado o 13 de outubro de 2018.
- ↑ Ramis, Violet (5 de xuño de 2018). "The Story of Harold Ramis and Amy Heckerling's Secret Daughter". Vulture. Consultado o 5 de xuño de 2018.
- ↑ Murray, Noel (20 de marzo de 2008). "Amy Heckerling | Film | Interview". The A.V. Club. Consultado o 21 de novembro de 2012.
- ↑ Orixinal en inglés: "It's a disgusting industry. I don't know what else to say. Especially now. I can't stomach most of the movies about women. I just saw a movie last night. I don't want to say the name – but again with the fucking wedding and the only time women say anything is about men."
- ↑ Silverstein, Melissa (9 de abril de 2012). "Interview with Vamps Director Amy Heckerling". IndieWire.com. Consultado o 13 de outubro de 2018.
- ↑ Neilan, Dan (29 de maio de 2019). "Chris Kattan's Got a Disturbing Story About Lorne Michaels and A Night at the Roxbury". The A.V. Club. Arquivado dende o orixinal o 31 de xullo de 2020. Consultado o 30 de xullo de 2020.
- ↑ "Amy Heckerling’s Daughter Responds to Chris Kattan’s Claims of Sexual Coercion". www.vulture.com. Consultado o 05-06-2019.
Véxase tamén
[editar | editar a fonte]Ligazóns externas
[editar | editar a fonte]- Hurd, Mary G. Women Directors and Their Films. Westport, Conn: Praeger, 2007. Print. ISBN 9780275985783
- Jarecki, Nicholas. Breaking In: How 20 Film Directors Got Their Start. 2001. 142–156. Print. ISBN 0-7679-0674-8
- Singer, Michael. A Cut Above. 1998. 81–85. Print. ISBN 1-58065-000-7
