Ameenah Gurib-Fakim

Na Galipedia, a Wikipedia en galego.
Saltar ata a navegación Saltar á procura
Ameenah Gurib-Fakim
AmeenahGurib1.jpg
Nacemento17 de outubro de 1959
 Mauricio
NacionalidadeMauricio
RelixiónIslam
Alma máterUniversidade de Surrey, Universidade de Exeter e Universidade Pierre e Marie Curie
Ocupaciónpolítica e química
Premiospremios para mulleres científicas L'Oréal -UNESCO, Knight of the French Order of Academic Palms, grande oficial da Lexión de Honor, Grand Commander of the Order of the Star and Key of the Indian Ocean, Honorary doctoral degree of the Pierre and Marie Curie University e OkayAfrica 100 Women
editar datos en Wikidata ]

Ameenah Gurib-Fakim, nada en Surinam o 17 de outubro de 1959, é unha química e política mauriciana, que foi presidenta da República entre o 5 de xuño de 2015 e o 23 de marzo de 2018.

Traxectoria[editar | editar a fonte]

Medrou coa súa familia en Plaine Magnien e realizou os estudos primarios na escola de Saint-Patrice e os secundarios en Mahébourg Loreto. Os seus estudos universitarios fíxoos en Inglaterra, primeiro realizou un grao en química na Universidade de Surrey en 1983 e o doutoramento en química orgánica na Universidade de Exeter. En 1987 volveu ao seu país e traballou na Universidade de Mauricio[1], primeiro deu clases na facultade de agricultura e en 1991 pasou á facultade de ciencias. Entre 1987 e 1992 dirixiu a primeira investigación rexional para o inventario e estudo das plantas medicinais e aromáticas do Océano Índico[2]. Dende 2001 é catedrática de química orgánica na facultade de ciencias da Universidade de Mauricio. Foi decana da facultade de ciencias (2004-2006) e entre 2011 e 2015 foi directora do Centre for Phytotherapy Research (CEPHYR), un laboratorio privado. Autora dunha numerosa obra, tanto libros como artigos científicos, sobre química e en especial sobre conservación da biodiversidade e o desenvolvemento sustentable.

Presidencia da República[editar | editar a fonte]

No ano 2014 o goberno chegou a un acordo político para elixir o presidente e o 29 de maio de 2015 conforme ese pacto o presidente Kailash Purryag renunciou[3]. O 4 de xuño a Asemblea Nacional elixiu por unanimidade a, Ameenah Gurib-Fakim[4], a primeira presidenta mauriciana de pleno dereito, aínda que Monique Ohsan Bellepeau xa o fora antes de xeito interino[5].

En marzo de 2018 o xornal L'Express publicou documentos bancarios que demostrarían que a presidenta utilizara para fins persoais ao longo de 2016 un cartón bancario remitido pola ONG Planet Earth Institute, do millonario angolano Álvaro Sobrinho[6]. O 9 de marzo o primeiro ministro Pravind Jugnauth anunciou á prensa que a presidenta Gurib-Fakim renunciaría ás súas funcións pouco despois das celebracións do 50 aniversario da independencia do 12 de marzo e antes do comezo das sesións parlamentarias fixadas para o remate do mes[7]. Así e todo, o 14 de marzo, a presidenta mauriciana anunciou que se mantería no posto, rexeitando todas as acusacións[8]. Mais finalmente, presentou a súa renuncia o 17, con efecto o 23, asumindo o posto interinamente o vicepresidente Barlen Vyapoory[9].

Obra[editar | editar a fonte]

  • Plantes médicinales de l'île Rodrigues : pharmacognosie, phytochimie et étude comparative des données ethnobotaniques avec celles des autres îles du sud ouest de l'océan Indien. Coa asistencia de Joseph Guého e a participación de M.D. Sewraj e mais E. Dulloo. Ed. de l'Ocean Indien, 1994
  • Plantes médicinales de Maurice: pharmacognosie, phytochimie et étude comparative des données ethnobotaniques avec celles des autres îles du Sud-Ouest de l'océan Indien. Con Joseph Guého e a participación de M.D. Bissoondoyal. Ed. de l'Ocean Indien, 3 volumes: 1995-1997
  • Natural toxins and poisonous plants of Mauritius. Con Joseph Guého e M. D. Bissoondoyal. Editions Le Printemps, 1999
  • Mauritius through its medicinal plants : towards a better understanding of medicinal plants of the Indian Ocean Islands. Editions Le Printemps, 2002 (Le Printemps publicou tamén versión en francés)
  • An Illustrated Guide to the Flora of Mauritius & the Indian Ocean Islands. Caractere Ltée, 2003 (tamén existe versión en francés)
  • Medicinal Plants of Mauritius and of the World, 2007
  • Toutes les plantes qui soignent : Plantes d'hier, médicaments d'aujourd'hui. Michel Laffont, 2008
  • Mieux connaitre les Arbres et Arbrisseaux de Maurice et des Iles de l’Ocean Indien, 2008
  • Arbres du Monde, 2013

Notas[editar | editar a fonte]