Amchitka
(en) Amchitka  | ||||
| ||||
| Tipo | illa | |||
|---|---|---|---|---|
| Parte de | Ilhas Rat (pt)  | |||
| Localización | ||||
| División administrativa | Região Censitária de Aleutians West, Estados Unidos de América (pt) | |||
| ||||
| Bañado por | Océano Pacífico | |||
| Características | ||||
| Dimensións | 6 ( ) × 68 ( ) km | |||
| Superficie | 308,6 km² | |||
Amchitka é unha illa volcánica nunha zona de inestabilidade tectónica. Forma parte do grupo das illas Rat no sistema formado polas illas Aleutianas no suroeste de Alasca. Ten unha lonxitude de 68 quilómetros e varía entre os 3 e os 6 quilómetros de anchura. Ten un clima oceánico, con moitas tormentas e con ceos xeralmente nubrados.
A illa estivo ocupada durante máis de 2.500 anos polos aleutianos ou esquimós, pero non houbo unha poboación permanente desde 1832. Incluíuse na Compra de Alasca de 1867, e desde entón formou parte dos Estados Unidos. Durante a segunda guerra mundial usouse como aeródromo para as forzas estadounidenses na batalla das Illas Aleutianas.
Amchitka foi elixida pola Comisión de Enerxía Atómica dos Estados Unidos para levar a cabo detonacións de armas nucleares baixo terra. levaron a cabo 3 probas deste tipo: Long Shot, que produciu unha explosión de 80 quilotóns en 1965, Milrow, que produciu unha explosión de 1 megatón en 1969 e Cannikin en 1971. Esta última explosión, de "menos de 5 megatóns", é a maior explosión subterránea nuclear que se levou a cabo en chan estadounidense. As probas tiveron moitas críticas, xa que os grupos ecoloxistas tiñan medo de que a explosión Cannikin en particular puidese desencadear graves terremotos e tsunamis.
Desde entón, Amchitka non se usou máis para probas nucleares, aínda que está baixo vixilancia pola presenza de contaminación radioactiva.
Xeografía
[editar | editar a fonte]Amchitka é a illa que se atopa máis ao sur do grupo das illas Rat na cadea Aleutiana. Está rodeada polo mar de Bering polo norte e o este, e polo océano Pacífico polo sur e o oeste.
A parte leste da illa trátase dunha meseta de baixa altura, con estanques illados e outeiros de pendentes moderadas. Hai unha baixa pero abundante vexetación, con brións, liques, fieitos, herbas e arbustos do xénero Empetrum. O centro da illa é montañoso, e o extremo oeste é unha terra estéril e a vexetación é escasa.
Amchitka ten un clima oceánico, e normalmente hai néboa e vento, con nubes cubrindo o ceo o 98% do tempo. Mentres que as temperaturas son moderadas grazas ao océano, as tormentas son frecuentes. Desde o punto de vista xeolóxico, a illa é volcánica, formando parte dun anaco do arco volcánico aleutiano que está escindíndose por subducción oblicua. É unha das contornas tectónicas máis inestables dos Estados Unidos.
Véxase tamén
[editar | editar a fonte] |
Wikimedia Commons ten máis contidos multimedia na categoría: Amchitka  |
Outros artigos
[editar | editar a fonte]Ligazóns externas
[editar | editar a fonte]- Páxina de inicio de USS Worden (DD 352) Un destructor da Mariña dos Estados Unidos que se afundiu durante o desembarco en Amchitka, o 12 de xaneiro de 1943. Contén relatos de testemuñas presenciais dos desembarcos.
- As seguintes ligazóns inclúen películas do Departamento de Enerxía sobre as instalacións de proba de Amitchka. Os vídeos inclúen imaxes das probas ".
- s1XFHSKXLDk Vídeo no YouTube)
- EHSPqw8NdG4 Vídeo no YouTube)
- 77CqV0a9vek Vídeo no YouTube)
- OMmFy4NdA8s Vídeo no YouTube)
- As seguintes ligazóns inclúen artigos actuais do Anchorage Daily News sobre a proba Cannikin.
