Amauta Castro
| Amauta Castro | |
|---|---|
| Nacemento | 1981 |
| Lugar de nacemento | Barakaldo |
| Nacionalidade | España |
| Ocupación | escritor |
| Na rede | |
 | |
| [ editar datos en Wikidata ] | |
Rafael Xoán Muñoz Castro, que usa o heterónimo literario Amauta Castro, nado en Barakaldo en 1981, é un poeta e tradutor galego residente en Xirona.
Traxectoria[editar | editar a fonte]
Nado en Barakaldo, residiu en Vigo durante a maior parte de infancia e adolescencia e máis tarde en Santiago de Compostela. Residente en Xirona desde 2004. Participou en diversas publicacións colectivas coma Dorna, Andar21, Revista Ligeia etc. Ten colaborado co suplemento ”Altermundo” de Galicia Hoxe e nunha edición monográfica sobre o político, pensador e editor galego Ánxel Casal. En solitario, publicou o seu primeiro libro de poemas “Nos muros do mundo” en 2012. Levou a súa voz a diversos festivais e accións poéticas coma o X Festival de Poesia a les Caves (Sant Sadurní d’Anoia, 2017) o o “Proxecto Catalizador 2013”, dentro da Semana de Poesia de Barcelona de 2013. En 2018 colaborou na revista Ligeia[1]. No eido da tradución, trasladou a lingua galega o texto poético “Mar da Morte” do poeta catalán Santi Borrell.
Obra publicada[editar | editar a fonte]
Salferiu os seus textos en publicacións como Dorna, Antoloxía poética da diáspora galega, Olláparo ou Andar21 e publicou en solitario unha autodenominada escolma incompleta:
- Participou na Antoloxía Poética da diáspora Galega (Editada pola Asociación Cutural Fillos de Galicia coa axuda da Secretaria Xeral de Emigración da Xunta), 2007
- Tamén en Ánxel Casal: editor e intelectual galeguista (publicado pola biblioteca pública Ánxel Casal, de Compostela)
- Nos muros do mundo, Edizer, 2012
- Revista “Dorna” números 31, 35 e 39
- Tradución ao galego de “Mar da Morte” (Edicións de Pedra, 2017) do poeta en lingua catalá Santi Borrell, en edición bilingüe.
- Libro Colectivo “O poliedro da soidade” (Andavira Editora, 2018) libro promovido polo Centro de Estudos Galegos do Departamento de Filoloxía Románica da Universidade Complutense de Madrid.
- Poesia a les Caves (Regidoria de Cultura, Ajuntament de Sant Sadurní d’Anoia, 2018), libro colectivo e conmemorativo que recolle poemas dos autores que participaron nas diversas edicións do Festival de Poesia a les Caves e que inclúe poetas coma Lluís Calvo, José Corredor-Matheos ou Pura Salceda.
Premios[editar | editar a fonte]
- 3º premio Rosalía de Castro en 2006 por Mar (poema sen título), convocado pola Asociación Cultural Galega Rosalía de Castro de Cornellà.
- 1º Premio no Certame San Xurxo (2007) por Palabras de Amauta, convocado polo Centro Galego de Barcelona.
- 2º Premio Rosalía de Castro en 2011 por Setembro, convocado pola Asociación Cultural Galega Rosalía de Castro de Cornellà.
- 1º premio Certame Rosalía de Castro en 2017 por "Da pel sae o escuro", convocado pola Asociación Cultural Galega Rosalía de Castro de Cornellà.
- 2º premio Concello de Ames en 2018 na modalidade de poesía por "Este corpo momentáneo"
- Premio de poesía Pérez Parallé 2018.
Notas[editar | editar a fonte]
Véxase tamén[editar | editar a fonte]
Ligazóns externas[editar | editar a fonte]
- Palabras de Amauta, o blog do autor.
- As colaboracións de Amauta en Altermundo .
- Ánxel Casal. Editor e intelectual galeguista na rede.
- Entrevista en Galicia Hoxe Arquivado 29 de agosto de 2018 en Wayback Machine.
- Entrevista en Sermos Galiza. Arquivado 29 de agosto de 2018 en Wayback Machine.
- Entrevista no blog Sempre en Galiza
