Altar (constelación)

Para outras páxinas con títulos homónimos véxase: Ara.

Altar
Nome curto     Ara (la)  Nome oficial     Ara (la)
Instancia de constelación  Parte de hemisferio sur celeste  Epónimo altar
Localización  Comparte fronteira con Corona Australis Apus Pavo Triangulum Australe Scorpius Norma Telescopium  Mapas
Cifras e dimensións  Superficie    237 °²
Fontes e ligazóns Freebase /m/0v9n  Descrito pola fonte Dicionario Enciclopédico Brockhaus e Efron  Tema: Q24330409 Pequeno dicionario enciclopédico de Brockhaus e Efron  Tema: Q24731339 Grande Enciclopedia Soviética (1926 - 1947)  Tema: Q43435326
Wikidata G:Commons C:Commons

O Altar, que nalgún tempo considerouse coma parte do Centauro é agora unha constelación independente. Localizada entre Centaurus e Lupus. Non contén estrelas brillantes, sendo Beta Arae a máis destacada con magnitude 2,8. Recentemente^[cando?] descubriuse un burato negro dunhas catro veces a masa do Sol, e do tamaño dunha gran cidade.^{[Cómpre referencia]}

Estrelas principais

• α Arae, segunda estrela máis brillante da constelación, é unha estrela azul da secuencia principal catalogada coma variable, o seu brillo varía entre unha magnitude 2,73 e 3,13.
• β Arae, unha superxigante laranxa de magnitude 2,85, a estrela máis brillante da constelación.
• γ Arae, estrela binaria formada por unha superxigante azul quente e unha estrela branca da secuencia principal; están separadas visualmente 18 segundos de arco.
• ζ Arae, estrela xigante laranxa de magnitude 3,13.
• ι Arae, xigante azul e variable Gamma Cassiopeiae; o seu brillo flutúa entre magnitude 5,18 e 5,26.
• μ Arae, anana amarela algo máis luminosa có Sol, onde se descubriron catro planetas extrasolares.
• 41 Arae, estrela binaria a só 28,7 anos luz da Terra, as súas compoñentes son unha anana amarela e unha anana vermella.
• Gliese 674, anana vermella a 14,8 anos luz onde se descubriu un planeta moi próximo á estrela.

Obxectos notables do espazo profundo

• NGC 6397. AR: 17h 40m 42.0s Dec: -53°40'00" (Época 2000). Cúmulo globular visible sen instrumentos, 10.5º ó sur de Sargas (θ Scorpii). Localizado a 7.200 anos luz, é un dos máis próximos ó Sol.
• NGC 6193. AR: 16h 41m 18.0s Dec: -48°46'00" (Época 2000). Cúmulo aberto grande que contén ó redor de 30 estrelas, a 8º ó oeste de α Arae.
• NGC 6208, NGC 6253 o IC 4651. Outros cúmulos abertos.
• NGC 6362. Outro cúmulo globular.
• Nebulosa Stingray (Hen 3-1357), nebulosa planetaria moi nova; aínda que en 1971 era unha estrela superxigante azul, en 1989 téñase transformado en nebulosa.

Mitoloxía

Na mitoloxía grega, dise que os Cyclopes construíron orixinalmente o altar coma lugar para os sacrificios ós deuses do Olimpo. O altar, usualmente representado boca abaixo, mais algunhas veces represéntase cara a arriba con fume indo cara a Vía Láctea, tamén era visto coma o altar de Lycaon. Lycaon sacrificaba a un neno (nalgunha lenda era Arcas) a Zeus no altar do monte Lycaeus, e immediatamente despois do sacrificio transformábase en lobo, probablemente isto é a base do mito da constelación Lupus.

Noutras lendas gregas, Ara era identificado co altar do deus do viño, Dionysus.

Imaxe da constelación do Altar (Ara).

Ara tamén foi coñecida polo seu nome en Latín coma Ara Centauri, algo parecido o altar (ou estandarte) de Centauro.

Véxase tamén

Ligazóns externas

• The Deep Photographic Guide to the Constellations: Ara (en inglés)
• NightSkyInfo.com: Constellation Ara Arquivado 25 de xullo de 2008 en Wayback Machine. (en inglés)
• WIKISKY.ORG: Ara (en inglés)
• Star Tales – Ara (en inglés)