Almudena Ariza

Na Galipedia, a Wikipedia en galego.
Saltar para a navegação Saltar para a pesquisa
Almudena Ariza
Nome completo Almudena Ariza Núñez
Nacemento 1 de setembro de 1963 e 1 de setembro de 1964
  Madrid
Nacionalidade España
Alma máter Universidade Complutense de Madrid
Ocupación presentadora de televisión e xornalista
Premios Premios Iris e Antena de Oro
editar datos en Wikidata ]

Almudena Ariza Núñez, nada en Madrid o 1 de setembro de 1964, é unha xornalista española.

Biografía[editar | editar a fonte]

Licenciada en Xornalismo poa Universidade Complutense de Madrid, iníciase profesionalmente na radio, ingresando na Cadena SER con tan só dezasete anos. Nesa emisora intégrase nos servizos informativos onde permanece varios anos.

En 1989 ingresa en Televisión Española e un ano despois debuta ante a cámara, acompañando a Jesús Hermida no Telediario nocturno que nese momento recibe o nome de Diario Noche e onde se encarga de relatar a Crónica del día.

En 1994 presenta o concurso ¿Cómo lo hacen?, xunto a Jordi Hurtado que só se mantivo un mes en parrilla e que foi a súa única incursión máis alá dos espazos informativos, xa que dous anos despois compartía plató con Matías Prats na presentación da primeira edición de Telediario.

En 1998 pasou ó Telediario de fin de semana, xunto a Pedro Sánchez Quintana e Sergio Sauca e un ano máis tarde trasladouse a Nova York para completar a súa formación xornalística.

Ó seu regreso, e pese a facer algunhas suplencias na presentación do espazo Informe semanal (en 2000), especializouse en reporteirismo, e nos últimos anos cubriu entre outros eventos, os Ataques do 11 de setembro de 2001 de Nova York, os conflitos bélicos en Afganistán e Iraq, o terremoto de Bam en Irán ou a catástrofe do buque Prestige. Tamén se destacou pola cobertura do tsunami, desde Tailandia e Aceh (Indonesia). Viaxou por Asia e África realizando decenas de reportaxes sobre guerras ou a sida entre outros, permaneceu varios anos no equipo de Reporteiros de TVE especializado na realización de reportaxes de investigación nos telediarios de Televisión Española e presentou o docu-drama Hay que vivir en La 1 en 2007.

Algunhas das súas últimas coberturas foron a do devastador terremoto en Haití en 2009 e a do terremoto e posterior tsunami en Xapón en 2011. Entre o 1 de agosto de 2010 e o 1 de xaneiro de 2013 foi correspondente de TVE para Asia Pacífico, con sede en Pequín e desde a última data éo en Nova York.

Tamén imparte clases de Empresa Audiovisual. Televisión e de Técnicas da Información Audiovisual na Universidade Francisco de Vitoria de Madrid. É profesora no Instituto Oficial de Radio e Televisión e nos Máster de Radio e Televisión da Universidade Juan Carlos I. Impartiu numerosos cursos de capacitación xornalística nas Universidades de Chile, Arxentina, El Salvador, Honduras e México e é conferenciante habitual en Cursos sobre Xornalismo en Universidades españolas e americanas. Tamén colabora con publicacións nacionais e internacionais.

Recibiu varios premios e galardóns, entre eles a Antena de Ouro e o Premio á Mellor Correspondente española no Estranxeiro, que outorga o Club Internacional de Prensa.

Premios[editar | editar a fonte]

Notas[editar | editar a fonte]


Falta algunha imaxe que ilustre o artigo
 Este artigo non contén imaxes. Pode axudar cargando imaxes, na Galipedia ou na Wikimedia Commons, relacionadas co contido do artigo, ou incluíndo unha xa existente.
 Debe ter en conta as políticas de uso de imaxes e o respecto polos dereitos de autoría.